Популярні біблійні вірші з Chan 8

Поділитись

Mihmʋt Chisʋs ash ot anonti okla ha̱ im anumpuli mʋt, Ʋno ak osh yakni im a tohwikeli sia mak oke; kʋna hosh ʋno a̱ siakaiya hokʋt, ai okhlilika yo̱ a̱ya he keyu; amba ai okcha̱ya tohwikeli hʋt in takala he mak oke, im achi tok.

Mikmʋt nan‐aia̱hli ka hʋsh ithana he; mikma nan‐aia̱hlika yash ot yuka keyu hʋch ikba hi oke, im achi tok.

Yohmi ma Chisʋs ash ot i̱ yimmi tuk ʋhleha Chu okla hash o̱, Ʋm anumpa ha̱ hʋsh halʋlli kʋt hʋch ik issokmʋt, nan ʋm ai ithʋna a̱hli fehna hʋchia mak a chi̱ hoke.

Yohmi hoka Ushi yak osh yuka keyu ka hʋch ikbi hokma, yuka keyu a̱hli mak o̱ hʋchia ha hi oke.

Yohmi ka okla i̱ ponaklo kash ot a moyuma ma, wakaya mʋt, Kanima hosh ai ashʋchika ik im iksho kʋt hʋchi takla hikia hokmʋt, yʋmmak osh na ti̱kba tʋli ya̱ isht ik boli, im achi tok.

Chisʋs ash ot afalaminchi mʋt, A̱hlishke, a̱hli mak o̱ hʋchim achi lishke, Kʋna hosh nan ai ashʋchika ya̱ ai yohmi hokmʋt, nan‐ai‐ashʋchika ya̱ i̱ yuka mak oke.

Chisʋs ash ot wakaya mʋt, inla yʋt iksho ho̱, ohoyo ak bano ho̱ pisa mʋt, Ohoyo chia ma! anumpa chi onochi ʋhleha mʋto? hatak nana kia anumpa ik chi onocho ke tuk oh cho? im achi tok. Mihma, Hatak nana kia anumpa ik si onochoshke, Chitokaka ma! achi tok. Mihma Chisʋs ash ot, Ʋno ak kia anumpa chi onochi li keyushke, ia cha, himmakma ik chi hakso kashke, im achi tok.