Популярні біблійні вірші з Chenesis 11

Поділитись

Micha Chihowah ʋt, Yakeh! okla hʋt achʋfa, micha moma kʋt im anumpa hʋt achʋfʋshke: atuk osh ilʋppa yʋmihchit isht iʋshke: yohmi ka̱ himak a̱ yʋmihcha chi̱ im anukfila tuk a̱ nana hosh im ai ataklʋmma hi ʋt ikshoshke. Inta! pit kil akowa cha, im anumpa ha kil im it aiokomi na, ilap bi̱ka yʋt im anumpa ha̱ ik itim akostinincho, kashke, achi tok.

Mihmʋt, Inta! hʋpimmi hachi̱ ka̱ tʋmaha holihta micha chuka chaha ai atoni paknaka yʋt shutik a̱ ona ho̱ iloh ikbashke; micha pi hohchifo iloh ikbashke; keyukmʋt ita fimimpʋt yakni paknaka moma ka̱ il itʋnowa yoba ná, okla achi tok.

Yʋmohmi hatuk o̱ yʋmmʋt Babel hohchifo tok: yʋmmak o̱ Chihowah ʋt yakni moma im anumpa ha̱ ai itim aiokomi tok oka: micha yʋmma Chihowah ʋt akanʋllichit yakni paknaka moma ka̱ ita fimibli tok.

Mihma yakni moma kʋt itih, micha anumpa aiena kʋt achʋfa tok.

Mihma Chihowah ʋt hatak im ʋlla ʋhleha hʋt tʋmaha holihta, micha chuka chaha ai atoni ikbi ka̱ pisa chi̱ hosh akowʋt ʋla tok.

Yʋmohmi ho̱ Chihowah ʋt yʋmma a kanʋllichit yakni paknaka moma ka̱ ita fimibli tok: mihma tʋmaha holihta ikbi tuk ʋt issa tok.