Популярні біблійні вірші з Mateo 7

Поділитись

“'Ajlayi pi Sinia' siupa k'iejliyi pi jisitiana, 'yina janwe'nase'm. Woyejyi'n, je ijiat ka je a'wena'. 'Yasayi'ni, 'yina ja'najlinit ask'ioye.

Kajeyepa ni siunie i'nio' ti'yasane, yi' kiojyi. Jlampet ni i'nio' ti iyojyi'n, i'wi'in kajeyepa. Jlampet ni i'nio' ti i'yase'ni pi Sinia', nak Sinia' ja'najlinit k'iye.

“Ka ne'yi pa siunapo ipi'ya niwa yamtis, jla'yi ti iyoyi. Iyo'ate siunie i'nio' ti ji'wuk 'yita ape'e japa sisaj.

“Siunie inteliaja ka a'lejwas kiak iwo'naja, kiak jawonayi'iji pet napo a'lejwas. 'Yina niwak 'yijie'ne ni i'nio' ni Moisés jika'neyasajnaye, siu'neje ni jika'neyasajnaye iyo papo Sinia' jijwejlanawos t'ipi.

'Nak k'ieyi wek ni siunie 'wuk kiwet siu'neje na 'nayi siunie ijioyi janak in'wasankiye, jla'yi ti ti'nita, je 'loj napo i'nio' iniuk'i naka.

“Noyeyi ni 'wuk kiwet ni je isaja'm. Je istieyi pet ni 'wuk kiwet siu'neje ni 'nayi ijioyi nak inlaye 'wet, isajk'i, 'yina je pini' napo i'nio' iniuk'i naka.

“Ijwil ka woyeyi ti asa'am ti je insisie', as t'ajla'a'm pa k'iejliyi ka kia'iwo ka jiniliakie pa ka ena kiojyi. ¿Tepi iyo pi Asna' pi yi' poliyi? ¡Jla'm ijiatayi jla'm ti 'yu'we ti janwejna'm ni siuniwa wask'i'nelaja isis siunapo t'ajle!

“Ká alaki ni akiecha pi k'iejliyi ti iyoyi, ja 'nakayeyijna'a ka Sinia' je in'ye'en pet siupi ates iyoyi. Siupi jiwonayi napo as'lejwas, Sinia' kiak janwo'nase kan'yenta ni ates iyo.

Jlampet siunie ti ipi'yayeta niwa yamtis, 'yina ti je its'iuk'i'm siunie awoyi. Nak kia'iyo pet siunie i'nio' ti je 'yijen jlosiki, ti ji'wuk 'yita ape'e ni jolo'.

¿Yot'iyi'ni ti ataj je ilie'ne ti ji'yen'ni ni akiecha jitiolkiot, 'yina jlam'ne je 'esijiyi? ¿Jlam'ne ka ataj ene pet 'ate ni siunie a'lawa, atolkiot pet, ti jla'm ijiate ti wujwe? ¿Siu'neje ti jiwone 'ate ni akiecha, Kamana'a jation kisie'e ni atolkiot? Jlam'ne pet ka ani'yejne'n, ti po' ni yiji jana atate, ti jla'm ijiate ti wujwe.

“Joskiyeyi siunapo je ijiat ka injwejlanawosa' ti ijwil ka intajlisi pa Sinia'. Ti jla'm initewitanisik'i niwa 'wolepo' ti isis, jlam'ne ki iyo niwaka, niwaka k'iwajlas niwa jwesis. Je ijiat ka je intant'iejayi ka 'wenatiena'a ni jikijmaye iyo. 'Yejne'n, siuniwa ts'ejnietio' je janak jlel po' jlaye, ni'ne ka siuniwa higok jla' je janak istiek ka jlaye.

'Yina kiak iyo'ni siojona a'la' ti 'es, isis pet niwa jla'. Siojona a'la' ti je 'es, je isis pet niwa jla'.

Siojona a'la' ti 'es, je ti'wena ka je inses niwa jla' ti poyeta. Kia'iyojliyi siojona a'la' jana je 'es pet, je ti'wena ka inses niwa jla' ti poyeta.

Yi'i japa a'la' ti kia'iyo, ti jla' je isis, tijwajaki sekyi'i ti titietajayi jwata'm.