Популярні біблійні вірші з ཡུ་ཧན་ན། 4

Поділитись

དཀོན་མཆོག་ཤོ་ ཐུགས་ཉིད་གི༌ལ། ཉི་རོ་ཀ་གསོལ་ཝ་ཏབ་ཁཱན་བ་ཀི་ ཐུགས་ཉིད་དང་ དེན་པ་ག་ཐུང་ཀེ་ཨ་ཉི་ གསོལ་ཝ་ཏ་པེ་ཁེ༌ལེ།

ཨོ་ཉེ་རང་གི་ནེ་བུ་ དུས་ཙུན་ཐུར་ཤར༌བེ། ཉི་ཨོ་ཉ་དུས་ཙུན་ཁེ་པ་ རེན་པ༌ཅ། དེན་པ་ཨ་ཉི་ ཡབ་ག་ གསོལ་ཝ་ཏབ་ཁཱན་བ་ཀི་ ཐུགས་ཉིད་དང་ དེན་པ་ཨ་ཉི་ གསོལ་ཝ་ཏ་པེ་ཁེ༌ལེ། ཧང་ཡ་དག་ནེ་ལ་ རོ་ཀི་ཨུ་ཉུ་ད་བུ་ གསོལ་ཝ་ཏབ་ཁཱན་བ་ལམ༌ཅ།

དག་པ་ཀབ་ཉི་ ཇི་གི་བི་ཁཱན་རི་གེ་ ཇམ་ཁཱན་སོ་ངོ་ཁེ་པ་ལོག་ཉི་ ཧ་ལ་རང་ རི་ནང་མ་སོ་ཕ། ཇི་གི་བི་ཁཱན་རི་ཁེ་པ་ རོ་ཀ་ནང་ཀ་རི་མུང་རི་ཉི་ ཨོ་ཉེ་གི་ རོག་ཏེ་བ་ཀ་ ཚེ་མ་འགྱུར་བརྟན་པ་བི་ལེ་དག༌ཉི།

ཡི་ཤུ་གི་ རོ་ཀ་ལན་གནང་ཉི་གསུངས་མ་ལ་ ནཱན་གི་ ན་ག་དེན་གེ་ཆོ་ཁཱན་ དཀོན་མཆོག་ག་ སེ་རབ་ཁེ་པ་སེ་ཉི་ ནཱན་གེ་རི་ཕུན་ཁཱན་ཁེ་པ་ གུམ་ཡེན་ཐཱན་ཨ་ནེ་ལ་ ནཱན་གི་ རོ་ཀེ་ཕུན་མེ་ཆོ༌ཝ། ཉི་རོ་ཀི་ ན་ག་ཚེ་ག་རི་ བི་ལེ་ཆོ་ཝ་དག༌ཉི།

ཡི་ཤུ་གི་ རོག་ཏེ་བ་ཀ་གསུངས་མ་ལ་ ཇ་ག་ལྟོ་ཤོ་ ཇང་ཀུན་ཏི་ཁཱན་ག་ ཐུགས་བཞེད་ཁེ་པ་ཨ་ཉི་ རོ་ཀ་ལའི་འགྲུབ་ཕེ་དེན་གེ་གི༌ལ།

མེ་ཝག་ཙ་གི་ཞུ་ཝ་ལ་ སློབ་དཔོན་ ན་ག་ཕྱག་ཀ་ རི་ཁོག་ཙམ་ ཧང་རང་མ་ཝ༌ལ། ཉི་རི་ལ་གནམ་མེད་ས་མེད་ ཏིང་ག༌ལ། ཨོ་ཐ་ཚེ་ག་རི་ཤོ་ ནཱན་གི་ ཨོ་གེ་ཕ་ལེ་ཡ།

ཨོ་ཉ་མེ་ཝག་ཙ་གི་ཞུ་ཝ་ལ་ ཁིརིས་དག་ཉི་ཞུ་ཁཱན་ མོ་ཤི་བྱོན་མེ་གི་ལ་དག་ཉི་ ཇི་གི་སེན༌ཅ། ཉི་རོག་བྱོན་དེན་གེ་ རོ་ཀི་ ཨ་ཧ་ཐམས་ཅན་རང་ གསུངས་ཉི་གནང་མེ་དག༌ཉི། ཉི་ཡི་ཤུ་གི་ རོ་ཀ་གསུངས་མ་ལ་ ནཱན་ཀབ་ཉི་ཆཱས་ཨ་ཁཱན་ ཇང་ཤོ་ རོག་གི་ལ་དག༌ཉི།

ཨུན་ཐཱན་ ཇི་གི་ཨ་ཁཱན་བ་ ཐམས་ཅན་རང་ གསུངས་ཉི་གནང་ཁཱན་ སོ་ངོ་ཁེ་པ་རུམ༌ཤོ། རོག་རང་ཁིརིས་མང་གི་སྨོ་དག༌ཉི།