Популярні біблійні вірші з Ap'u 6

Поділитись

Laha, a Mlin Eia ivav v'ahienan sena ti iten sera m'ertu arna nadep', karn istu arna nln sanan.

Laha, Atua ila ti m'ertu arna nadep' avstu ihuadau, kala ti si udlani avv'ahi arna nlr istu uaki nakl.

V'eti a Mlin Eia irn ip'as a ti ipamhmah an a Nua.

Ki laha iv'i nl nam'elan a Nua. A Nua iv'i dui p'as kaviviln arna nah nelnal avsilv' arna naran lera, kav'el m'ei Atua.

A Mlin Eia ivr ti a, “P'erp m'ertu la nten sarar ha. Akavlak ml arna nadep'. P'erp m'ertu, m'a si dm, m'a sei iharev' arna nadep', m'er m'anh la avtetv eia ha, sena ti Kana nrn istu sena ti nanr.”

Naran m'ertu avrama kavnelnal arna nadep', a natr tav'et aviak asnr. Dav'a dui, avv'i a natn Atua, avlar tav'et, avv'i net m'ertu, kavla ti avp'eset kavua nki avrni uaki avrama kavv'i a naur. Laha, a Mlin Eia ivr ti a, “M'im'ilk ikav'ana m'a m'ertu ikel, sena ti iv'i m'ertu na nadep' uaki, v'eti p'etu pai ipanelnal ipav'amk pln ipanelru (120) uam anr.” Arna naran lera m'ertu lilil kinkin avlak arna nadep'. Itauatah a si lera ml, dui, avv'i a natn Atua, avm'atr m'er tav'et, avv'i net m'ertu. Dav'a, avlev' a natr dui asnr. Hir avv'i mlin lilil tituei, la m'ertu avvrurr nakl ha.

A Nua iani inap'i lera, kan si udlani inep'a nut Atua ivr ani inap'ei.

Atua ivr an a Nua kavr ti a, “Itier sera naran na ti silv'iena m'ertu udlani arna nadep' ipahiris arna nahk. Sena ti nadep' ilini a naur sanar. Laha, palei, p'utakm anr udlani m'a nadep'.

Nakm pan nauak ipamk arna nai iamk, nahan iv'i kuva. Pan m'lna si dm udlani al nauak kavaulul p'akn av'aran, m'ei eim a kulta.

Atua ip'a nadep', laha, pavrni, ila ti istu, sena ti m'ertu udlani arna nadep' avluvn a navanelan.

Palev' nki iparuru asn sei isilv' udlani kauirma al nauak, a ti apavsilv' m'ah, apavv'i pua nen m'a prapar nen.