Популярні біблійні вірші з लूका 19

Поділитись

काले कि मोंय आदमी केर बेटा हेराल आदमीमन के खोजेक आउर उमन के बचाएक लगिन आय हों।”

“धाइन अहे उ राजा, जे प्रभु केर नाँव से आवेला, स्वरग में शांति आउर सोउब से ऊँचा स्वरग में महिमा हो।”

तब यीशु उकर से कहलक, “आइज तोंय आउर तोर परिवार में छुटकारा आय हे, इ लगिन कि तोंय हों अब्राहम केर एगो बेटा हेकिस।

जब यीशु उ ठाँव में पोहोंचलक, तब उ उपरे देइख के उकर से कहलक, “हे जक्कई, झट उतइर के आव, काले कि आइज मोके तोर घर में रहेक जरुरी अहे।” उ तुरते गाँछ से हेंठे उतरलक आउर यीशु के अपन घर लेई गेलक आउर खुशी से उकर स्वागत करलक।

जक्कई ठड़ाय के प्रभु यीशु से कहलक, “हे प्रभु, देख, मोंय अपन आधा सम्पति के गरीब आदमीमन के दान काइर देमूँ आउर अगर मोंय केकरो से अन्याय काइर के बगरा मालगुजारी लेई हों, तो उके चाइर गुणा घुराय देमूँ।”

तब भीड़ में से थोरेक फरीसी दल केर आदमीमन यीशु से कहेक लगलैं, “हे गुरु, अपन चेलामन के डाँट ताकि उमन चुप रहोक।” मगर यीशु जबाब देलक, “मोंय तोहर से कहाथों, अगर इमन चुप रहबैं, तो पखनामन चिल्लाएक शुरु काइर देबैं।”