Популярні біблійні вірші з Matius 10

Поділитись

Om kadi Yisus kavagu, “Oinomodno! SuuonKu ikovu irad di kambing biri-biri mongoi siri pantok do tulun taraat irad do kaakaa. Nong irad dino misti do opintar kou irad do vulanut, om otuud i gaagaya muju irad do kungkur.

Om nong mongingkikit i tulun diri kovijaanjo kondiri nga iri nogi do oliangan isido do kovijaanjo do auso koovion. Oliongpo mai ino kovijaanjo sabap do maja Dogo nga iri nogi do kaanu isido di kovijaan diri auso koovion,” kadi Yisus.

Om ada kouno rumosi diri tulun mamamatai do kojuvan muju, nga ausoi kuasa diolo mamamatai di tatod muju. Nga korosi kouno di Kinoringan do kikuasa mominasa do kojuvan om tatod siri tapui naraka.

Om aui apatut do roiton i tulun do tulunKu isido, nong au monimban di salibjo, irino do aui mijau matai tumaan diri kasansaraanjo sabap aparsaya Dogo om maja nogi Dogo.

Irad nopo dino, isaai nopo i tulun do mangakun do nasanganuKu isido siri gotuvang do tongotulun toguu, Ioku nogi nga mangakun do manansanganu Oku disido siri gotuvang diAmoKu soi suruga. Nga isai-isai nopo i tulun do mongolim siri gotuvang do tulun toguu do songonuvonKu isido, om Ioku nogi nga mongolim do manansanganu Oku disido siri gotuvang diAmoKu soi suruga,” kadi Yisus.

Isaai nopo iri tulun do au kataru om i tulun do rumanai i kojuvanjo nga lingasan mujuno. Om povijauon mujuno iri tongotulun napatai. Om sunsubon mujuno i tongorogon. Tulungon mujuno toomod iolo do kuasa dino okoniko binoli muju.

Nong irad dino, ada kouno korosi, do ikovu nopo om kitorogo marong mantad di panon do pirit.

Om kadi Yisus kavagu, “Ada panantamai muju do mongovit Oku do kopoiandaian di tongotulun siti vonuvo do korikatanKu. Okoniko poiaandaian ovitonKu, nga irino poioduan.