Популярні біблійні вірші з यूहन्ना 15

Поділитись

अंगुरके बोँट मै हुइतुँ, तुहुरे भर दहियाँ हुइतो। यदि केऊ मोरिक संग एकतामे रही, और मै ओकर संग एकतामे रहम कलेसे, उ बहुत्ते फारा फराई। काकरेकी मोरिक थेनसे अल्गे रहिके तुहुरे कुछु करे नै सेक्बो।

यदि तुहुरे मोरिक संग एकतामे पलिरबो कलेसे मै फेन तुहुरिन्के संग एकतामे पलिरहम। जसिके दहियाँ अंगुरके बोँटमे नै रही कलेसे उ अप्निहीँ फारा फराई नै सेकी। ओस्तेके तुहुरे मोरिक संग एकतामे नै रबो कलेसे तुहुरे फेन कुछु करे नै सेक्बो।

यदि तुहुरे मोरिक संग एकतामे पलिरबो, और मोरिक शिक्षा तुहुरिन्के संग एकतामे पलिरही कलेसे, तुहुरिन्हे ज्या मन लागी वहे माँगो, और मै तुहुरिन्के लग पूरा करदेहम।

महिन्हे तुहुरे नै रोज्लो, पर मै तुहुरिन्हे रोज्नु और तुहुरिन्हे नियुक्त कर्नु। ताकि तुहुरे जाऊ और फारा फराऊ, और तुहुरिन्के फारा टिकल पलिरहे। ताकि तुहुरे मोरिक नाउँमे बाबासे ज्या मंग्बो, ऊ तुहुरिन्हे दैदेहे।

केक्रो थेन यी देखाइक लग कि उ अपन संघरियनहे प्रेम करत, यिहिसे भारी आकुर कौनो तरिका नै हो कि ऊ ओइन्हे बँचाइक लग अपन ज्यान दैदेहे।

मोरिकमे जोँटल प्रत्येक दहियाँ जे फारा नै फराइत उहिहे ऊ काटदेहत। और फारा फरुइया हरेक दहियाँहे आकुर धेउर फारा फरे कहिके उहिहे फाँरत।

येशू कलाँ, “मोरिक आज्ञा यहे हो, कि जसिके मै तुहुरिन्हे प्रेम कर्नु, तुहुरे फेन एकदोसर जहनहे ओस्तेहेँके प्रेम करो।

तुहुरे बहुत्ते फारा फराके मोरिक चेला हुइतो कना साबित करबो कलेसे यिहिएसे मोरिक बाबक महिमा हुइत।

येशू कलाँ, “सच्चा अंगुरके बोँट मै हुइतुँ, और मोरिक बाबा किसान हो।

यदि केऊ मोरिक संग एकतामे नै रही कलेसे, उहिहे दहियँक हस काटके फेँकाजाइत। और जब दहियाँ सुकजाइत, तब ओइन्हे कुरह्याके आगीमे जरादेजाइत।

मै यी बात तुहुरिन्हे यी कारणसे कनु ताकि तुहुरिन्केमे फेन वहे आनन्द रहे, जोन मोरिकमे बा, और तुहुरे पूरा रुपमे आनन्दित होजाऊ।”

यदि मोरिक आज्ञनहे पालन करबो कलेसे तुहुरे मोरिक प्रेमके संग एकतामे पलिरबो। जसिके मै अपन बाबक आज्ञनहे पालन करल बतुँ, और ओकर प्रेमके संग एकतामे पलिरथुँ।

मोरिक आज्ञा यहे हो कि तुहुरे एकदोसर जहनहे प्रेम करो।”

यदि तुहुरे यी संसारके मनैनके हस रतो कलेसे संसारके मनै तुहुरिन्हे अपने मनै मानके प्रेम करताँ। पर तुहुरिन्के यी संसारसे कौनो सम्बन्ध नै हो। मै तुहुरिन्हे संसारमेसे चुनलेले बतुँ, तबेकमारे संसारके मनै तुहुरिन्हे घृणा करथाँ।