Популярні біблійні вірші з Markus 2

Поділитись

Yesus dengar apa yang dong bilang tu, la bilang par dong kata, “Orang yang seng saki seng parlu dokter. Cuma orang saki sa. Beta datang bukang par panggel orang-orang yang rasa diri batul, mar panggel orang-orang bardosa.”

Waktu Antua lia dong biking bagitu, Antua tau kalo dong parcaya Antua bisa kasi bae dia, jadi Antua bilang par dia kata, “Ana e, Beta su kasi ampong ale pung dosa-dosa.”

Antua jua bilang par dong lai kata, “Allah biking hari Barenti Karja par manusia, bukang biking manusia par hari Barenti Karja.

Mar tagal orang talalu banya, dong seng bisa bawa maso dia par Antua. Jadi dong nai ka atas ruma tu la bongkar akang pung atap pas di atas Antua. Tarus, dong kasi turung dia lapis deng dia pung palbet par Antua.

Mar, biar kamong tau kalo Beta Ana Manusia ni pung kuasa di dunya par kasi ampong orang pung dosa-dosa, lia apa yang Beta mau biking ni!” Tarus, Antua bilang par orang lumpu tu kata, “Badiri, angka ale pung palbet tu la pulang!”

Coba pikir, mana yang labe gampang par bilang par orang lumpu ni: Beta su kasi ampong ale pung dosa-dosa, ka badiri, angka ale pung palbet tu la bajalang suda?

Tarus, orang lumpu tu badiri, la langsung angka dia pung palbet, la bajalang kaluar dari ruma tu di muka dong samua. Waktu orang banya lia apa yang jadi tu, dong taherang-herang la puji-puji Allah kata, “Katong balong parna lia hal macang bagini ni!”