Популярні біблійні вірші з Markus 10

Поділитись

Barang, Beta Ana Manusia ni jua datang bukang biar orang karja par Beta, mar par karja par orang laeng deng kasi diri par mati par tabus banya orang dari dong pung dosa.”

Tarus, Antua nganga dong la bilang, “Memang manusia seng bisa kasi salamat dia pung diri sandiri, mar Allah bisa, tagal Antua bisa biking apa sa.”

La Antua bilang par dia kata, “Pi jua! Tagal ale parcaya Beta, ale su bae!” Oras itu jua dia bisa dapa lia la iko Yesus deng bajalang sama-sama deng Antua.

Tagal itu, kalo Allah su biking dong dua jadi satu, jang paskali ada orang yang kasi pisa dong.”

Antua nganga dia deng sayang dia paskali la bilang kata, “Cuma masi ada satu lai yang ale balong biking. Pi jual ale pung harta samua la bage akang pung kepeng par orang-orang kasiang. Kalo ale biking bagitu, ale nanti dapa harta di sorga. Abis itu, datang kamari la iko Beta.”

La Antua tanya dia kata, “Ale mau Beta biking apa par ale?” La dia bilang par Antua kata, “Tuang Guru e, beta mau dapa lia!”

Mar kamong ni seng bole bagitu! Sapa yang mau jadi yang paleng basar dari kamong, dia musti tolong orang laeng, macang deng orang suru-suru.

Dengar bae-bae tagal apa yang Beta bilang ni batul! Sapa yang seng mau biking diri macang deng ana kacil par tarima Allah parenta dia, dia seng bisa jadi Allah pung orang waktu Antua pegang parenta jadi Raja.”

Mar banya dari orang basar nanti jadi orang kacil, la banya dari orang kacil nanti jadi orang basar.”

Mar seng bole bagitu! Barang waktu Allah biking dunya ni, Antua biking laki-laki deng parampuang. Tagal itu laki-laki nanti kasi tinggal dia pung mama-papa la jadi satu deng dia pung bini biar dong dua jadi satu. Jadi dong bukang dua lai, mar satu.