Популярні біблійні вірші з Matius 24

Поділитись

Deng tagal kajahatang labe hari labe tamba basar, banya orang seng baku sayang lai. Mar, sapa yang sampe mati batahang tarus par parcaya Beta, dia nanti salamat.

La Kabar Bae soal Allah pegang parenta jadi Raja nanti dapa kasi tau di antero dunya biar samua orang dengar akang do, baru dunya kiamat.”

Kamong nanti dengar kata ada prang ka barita-barita soal prang, mar jang taku. Barang samua tu musti jadi macang bagitu, mar dunya balong kiamat lai.

Nanti bangsa satu baku prang deng bangsa laeng, la karajaang satu baku prang deng karajaang laeng. Nanti jua ada susa makanang deng ada tana goyang di banya tampa. Mar samua tu cuma tanda kalo susa deng sangsara baru mulai, macang deng parampuang yang mulai rasa saki waktu mau kasi lahir ana.

Langit deng dunya nanti ancor, mar Beta pung kata-kata tetap ada tarus-tarus!”

Barang, nanti ada banya orang datang pake Beta pung nama la bilang, ‘Beta ni Orang yang Allah su Angka par Kasi Salamat Manusia!’ La dong nanti parlente banya orang.

Waktu itu, kamong nanti dapa tangkap par dapa siksa la dapa bunu. Kamong nanti dapa binci dari samua bangsa tagal kamong iko Beta. Waktu itu jua banya orang nanti bale balakang la seng parcaya Beta lai. Dong nanti laeng jual laeng deng baku binci. Banya juru bicara parlente nanti muncul la parlente banya orang.

La Antua jawab dong kata, “Kamong musti jaga diri bae-bae, jang sampe kamong dapa parlente.

Jadi kamong jua musti salalu siap, tagal Beta Ana Manusia ni nanti bale kombali di waktu yang kamong seng sangka-sangka.”

Jadi kamong musti siap tarus, tagal kamong seng tau apa tempo kamong pung Tuhan mau bale kombali ka dunya.

Yesus bilang lai kata, “Soal apa tempo Beta bale kombali ka dunya ni, seng satu orang lai yang tau akang. Malekat-malekat di sorga seng tau, Beta Allah pung Ana ni jua seng tau, cuma Bapa sa yang tau.

Tagal nanti ada orang-orang yang mangaku-mangaku kata dong tu Orang yang Allah su Angka par Kasi Salamat Manusia ka dong tu Allah pung juru bicara. Dong nanti biking tanda-tanda herang yang hebat-hebat, biar kalo bisa, orang-orang yang Allah pili jua dapa parlente.

Apa yang nanti jadi di dunya waktu Beta Ana Manusia ni bale kombali, akang sama deng apa yang jadi dolo, di jamang Nuh. Barang, waktu balong ada banjir basar tu, orang-orang makang-minong deng kaweng macang biasa sa sampe waktu Nuh maso kapal. Dong seng tau apa yang mau jadi sampe waktu banjir basar datang tutu dong samua do. Waktu Beta Ana Manusia ni bale kombali ka dunya, orang-orang di dunya hidop macang bagitu lai.