Популярні біблійні вірші з Matius 18

Поділитись

Barang, kalo ada dua ka tiga orang yang parcaya Beta bakumpul sama-sama, Beta ada sama-sama deng dong.”

Beta bilang lai par kamong! Di dunya ni, kalo ada dua orang dari kamong satu hati par minta apa sa, Beta pung Bapa di sorga pasti kasi akang par dong.

Tarus, Antua panggel ana kacil satu la taru dia di tenga-tenga dong, la bilang kata, “Dengar bae-bae tagal apa yang Beta bilang ni batul! Kalo kamong seng roba kamong pung hidop deng seng biking diri macang deng ana kacil, jang harap kamong bisa jadi Allah pung orang-orang waktu Antua pegang parenta jadi Raja.

La sapa yang biking diri seng pung arti apapa macang deng ana kacil ni, dia nanti jadi yang paleng basar dari Allah pung orang-orang samua, waktu Allah pegang parenta jadi Raja.

Deng kalo orang yang parcaya Beta tarima satu dari orang-orang yang seng pung arti apapa macang deng ana kacil ni, itu dia su tarima Beta.”

Dengar bae-bae tagal apa yang Beta bilang ni batul! Apa yang kamong larang di dunya ni, Allah di sorga jua larang akang lai. Deng apa yang kamong mau orang biking di dunya ni, Allah di sorga jua kasi ijin akang lai.

La Yesus bilang kata, “Jadi, Beta pung Bapa di sorga jua nanti biking par kamong macang deng apa yang raja tu biking par orang karja yang jahat tu, kalo kamong seng mau kasi ampong kamong pung basudara deng hati antero-antero.”

Yesus bilang par dong lai kata, “Mar sapa yang biking sampe satu dari orang-orang yang seng pung arti apapa macang deng ana kacil yang parcaya Beta ni jatu dalang dosa, dia nanti dapa hukum barát dari Allah. Masi labe bae par dia kalo dia pung leher dapa ika deng batu basar la dapa kasi tinggalang dalang aer masing kadalang daripada dia biking bagitu.

Kalo satu orang ada pung domba saratus ekor la satu ekor ilang, dia pasti kasi tinggal yang sambilang pulu sambilang tu di gunung la pi cari satu yang ilang tu to?