Популярні біблійні вірші з ငဝ်ႈၵမ်ႇၽႃႇ 13

Поділитись

လိၼ်​ဢၼ်​မႂ်း​ႁၼ်​တင်း​သဵင်ႈ​တင်း​လူင်​ၼၼ်ႉ​ၸိုင် ၵဝ်​တၵ်း​ပၼ်​တီႈ​မႂ်း ဢိၵ်ႇ​တင်း​ၸိူဝ်ႉ​ၶိူဝ်း​မႂ်း​သေႇ​သေႇ​ဢေႃႈ။

လိုၼ်း​သေ​ လေႃးတႃႉ ​ၽၢတ်ႇ​ၵၼ်​တင်း​ ဢႃႇပြမ်ႇ ​သေ​လႄႈ​ၵႂႃႇ​ယဝ်ႉ​ၼၼ်ႉ၊ ထႃႇဝရႃႉ​ၽြႃး​လၢတ်ႈ​တီႈ​ ဢႃႇပြမ်ႇ ​လႄႈ​ဝႃႈ၊ ယူႇ​ၵႃႈ​တီႈ​ဢၼ်​မႂ်း​မီး​ယူႇ​ၼႆႉ​သေ​လႄႈ မုင်ႈ​တူၺ်း​ၽၢႆႇ​တၢင်း​တူၵ်း၊ ၽၢႆႇ​တၢင်း​ဢွၵ်ႇ၊ ၽၢႆႇ​တၢင်း​ႁွင်ႇ၊ ၽၢႆႇ​တၢင်း​ၸၢၼ်း​တႃႉ။

ၸိူဝ်ႉ​ၶိူဝ်း​မႂ်း​ၵေႃႈ ၵဝ်​တၵ်း​ႁႂ်ႈ​ယႂ်ႇ​ၽႄႈ​ၼမ်​ၵိုၼ်း​မႃး မိူၼ်​ၸိူဝ်ႉ​ၼင်ႇ​မုၼ်ႈ​လိၼ်​ဢေႃႈ။ ပိူဝ်ႈ​ၼႆ​လႄႈ ပေႃး​ၵူၼ်း​ၼပ်ႉ​ဢၢၼ်ႇ​မုၼ်ႈ​လိၼ်​လႆႈ​ၸိုင်၊ တၵ်း​ၼပ်ႉ​ဢၢၼ်ႇ​ၸိူဝ်ႉ​ၶိူဝ်း​မႂ်း​လႆႈ​ဢေႃႈ။

ဢႃႇပြမ်ႇ ​ၵေႃႈ​လၢတ်ႈ​တီႈ​ လေႃးတႃႉ ​လႄႈ​ဝႃႈ၊ ယႃႇ​ႁႂ်ႈ​တၢင်း​ဢၼ်​ၽိတ်း​ၵၼ်​မီး​တီႈ​ၵဝ်​တင်း​မႂ်း၊ တီႈ​ၵူၼ်း​လဵင်ႉ​ဝူဝ်း​ၵဝ်​လႂ်​တင်း​ၵူၼ်း​လဵင်ႉ​ဝူဝ်း​မႂ်း​လႂ်​သေ​ၵမ်း။ လွင်ႈ​မၼ်း​ၸမ်ႉ ႁႃး​ၼႆႉ​ပဵၼ်​ပီႈ​ၼွင်ႉ​ၵၼ်​ဢေႃႈ။

ၵမ်း​ၼၼ်ႉ ဢႃႇပြမ်ႇ ​ၶၢႆႉ​မူဝ်းၵႃႇ​မၼ်း​လႄႈ ႁွတ်ႈ​ထိုင်​ၵႃႈ​တီႈ​ပႃႇ​တူၼ်ႈ​မႆႉ​ၼိမ်​ မမ်ႇရေႇ ဢၼ်​မီး​ၵႃႈ​တီႈ​ဝဵင်း​ ႁေႇပြုၼ်ႇ ​ၼၼ်ႉ​သေ​ယဝ်ႉ၊ ၶျႃး​တီႈ​ယူႇ​လႄႈ ႁဵတ်း​ယိတ်ႈပလၢင်ႇ​ပုၼ်ႈ​ထႃႇဝရႃႉ​ၽြႃး​ၵႃႈ​တီႈ​ၼၼ်ႈ​ဢေႃႈ။

မိူဝ်ႈ​ၼၼ်ႉ​ လေႃးတႃႉ ​မုင်ႈ​တူၺ်း​လႄႈ​ႁၼ်​လွင်ႈ​ဢၼ် ၸူဝ်ႈ​ဢၼ်​ထႃႇဝရႃႉ​ၽြႃး​ဢမ်ႇ​ပႆႇ​ယႃႉ​ဝဵင်း​ သေႃးတုမ်ႇ ​တင်း​ဝဵင်း​ ၵေႃးမေႃးရႃႉ ပႅတ်ႈ​ၼၼ်ႉ ၵႃႈ​တီႈ​ပၢင်ႇ​ပဵင်း​ႁိမ်း​ႁွမ်း​ၼမ်ႉ​ႁွင်ႈ​ ယေႃးတၢၼ်ႇ ​ၵူႈ​တီႈ​ၵူႈ​လႅၼ်​ၼၼ်ႉ ၼမ်ႉ​လိူင်ႇ​ၼႃႇ​လႄႈ ပဵၼ်​ၸိူဝ်ႉ​ၼင်ႇ​သူၼ်​ဢူးယဵၼ်ႇ​ထႃႇဝရႃႉ​ၽြႃး ဢိၵ်ႇ​တင်း​ပဵၼ်​ၸိူဝ်ႉ​ၼင်ႇ မိူင်း​ ဢေႇၵိပ်ႉတူႉ ​သဵၼ်ႈ​တၢင်း​ဢၼ်​ၵႂႃႇ​ၸူး​ၵႃႈ​တီႈ​ဝဵင်း​ ၸေႃးရႃႉ ​ၼၼ်ႉ​ယဝ်ႉ၊