Популярні біблійні вірші з YOHANES 7

Поділитись

Nen ir akuni An noba iniliti ebebar andagun mende enogo, ir inake paga Alkitab akla nen yirige mende eti yegerogo: ‘Ir eti inilitimo etoma nen, akuni iniluk eginaka dogorak mende, i iliri wundir waga dogogin o,” yiluk yirige werek o.

O wene komaku lagugwa enogo irep paga, o ari ambi nggok mende arar ma, Ar Yesus o Tuhan Ai Palekma yemenogo metlaga lagagerek wene yega dogolir, “Ir akuni inagi abu mende eti, inagi nau wadok kalok, An noba warnek o.

Nen Ar Yesus wene Ar Allah mende Roh Allah enogo abok yirige yi, ir akuni iniliti Ar Oba ebebar andagun mende ernogo, yabongga wogoraurak mende paga yirige o. Nenaluk o etinem, Ar Allah mende Roh eti, akuni auwan inoba wogoragik dek ma o. Nenaluk Ar Yesus ebe auwan warlagikdek kigik, endaga yade bigikdek eti paga o.

Kinil kertagwi mutok inuwak dolinaki eti, mondok maga o. Arte wene ebebar mende paga mban, inuwak dolinaku dogorak o.”

Ar akuni ambi wene ar akla andalok mban yitaga mende eti, ar engga werek endaga lekartau paga ake mban yitaga mende o. Ogwe Ar akuni, Ar lakbi wagage mende endaga lerkau paga nen yiluk mban kwari taga mende eti, wene enggal mende mondok yitagodek, ebebar mban yitaga mende o.

Yugu nanggugwa, Ar Yesus nen onggo yoraga dogolir, “Wene An emekiragi yi, An nawene mende dek o, ogwe Ar An lakbani wagage eti Awene mende emerkiragi o.

Kir o agar paga yoma nen ina'ir kunik erkinabugun dek o. Ogwe An kwak perak ina'ir kunarkwi o, nenaluk An ir inomaduk telekma bagalogo yorartaga eti paga o.