Популярні біблійні вірші з YOHANES 4

Поділитись

Nenaluk? Ar Allah ebe eti Roh arar o, Nen Ar Roh Allah eti adigar obatne paga, ir akuni nen, Nombae Ar ebe obabur dogir taga ndak-ndak, alon palogo woguk bugwi dogogun o,” yiluk yorige.

Ogwe, o telek ambi etari warigin eti paga, nen o telek ebe muk etari waga yi arar ma, ir akuni nen, Nombae akla andar taga ndak-ndak, Ar Allah eti ebebar mende o yiluk, Roh Allah nen yamak daga kigik, Nombae alon palogo woguk bugwi dogogun o.

Ogwe, akuni ta nen i An wogorigin mende eti nigin kalok perak, i abu ekbega dogogin mondok-mondok dek o. Nenaluk, i An nen wogorigin eti ernogo, ar ebe akla etoma nen, i iliri wundi waga dogolir, nen iluk mondok-mondok dogorak mende, wene iniluk nabedal kabedal edo eti wogorigin o,” yiluk yorige.

Yiluk yorigemo, Ar Yesus nen wene onggo yoga dogolir, “Ogwe, Ar Allah nen we wokniragage mende eti inom, nen akuni yi ta nen i nggino yotnege inom, kar kilu dogolep ma, ebebar etatep kwak eti, kar nen Ar oba i nggino yotep ma, Ar nen kar kagi iluk mondok mende arar woketep o.”

Yugwi agagemo, Ar Yesus nen yoraga dogolir, “An nena-nena naurak mende eti, Ar An lakbani wagage werek owadok mende mban mutok laurak o. Nen yabu Ar nen erurak yiluk, An noba birige eti werok togon erurak eti mban arar o.

Ar kwe enogo nen wene onggo yoga dogolir, “Kar elak kagi totar taga mende dek endare, nen i yi kululik kogona loknengga mondok ar o. Nen Kar i iluk mondok mende eti ngga nen kodagen?

Yorigemo ar kwe enogo nen, “Raja Ndilinakwa (Kristus yitagwi eti) mende eti warigin, an nilu o. Nen Ar eti watuk kalok, Ar nen, ye wene nde wene etoma, yoknera warigin o yiluk yugwi o.” Yorigemo ar Yesus nen onggo yoga dogolir, Ar Akuni abok yirtagwi eti ebe, An arar o. Nen An nebe arar yogondak nimbirak wene yirtagwi o, yiluk yorige.

“Ap ambi ye wene nde wene, an eka lagagi mende yotnege etnaga kinil kobagik nen, ibar watni o. Ar ap eti Raja Ndilinakwa mende yitagwi enogo arar a, men a, ibar watni o,” yiluk yoragage.