Популярні біблійні вірші з ወንጌል ዘማቴዎስ 26

Поділитись

ትግሁ፥ ወጸልዩ፥ ከመ ኢትባኡ ውስተ መንሱት እስመ መንፈስ ይፈቱ፥ ወሥጋ ይደክም።

ወእምዝ ይቤሎሙ ተከዘት ነፍስየ እስከ ለሞት ንበሩ ዝየ ወትግሁ ምስሌየ፤

ወተአተተ ሕቀ እምኔሆሙ ወሰገደ በገጹ ወጸለየ ወይቤ አቡየ እመሰ ይትከሀል ይኅልፍ እምኔየ ዝንቱ ጽዋዕ ወባሕቱ ፈቃደ ዚኣከ ይኩን ወአኮ ፈቃደ ዚኣየ።

ዝ ውእቱ ደምየ ዘሐዲስ ሥርዐት ዘይትከዐው ለቤዛ ብዙኃን ወለኅድገተ ኀጢአት።

ወእንዘ ይበልዑ ነሥአ ኅብስተ እግዚእ ኢየሱስ ወባረከ ወፈተተ ወወሀቦሙ ለአርዳኢሁ ወይቤሎሙ ሕንክሙ ብልዑ ዝ ውእቱ ሥጋየ።

ወነሥአ ጽዋዐኒ ወአእኰተ ወወሀቦሙ እንዘ ይብል ስትዩ እምኔሁ ኵልክሙ።

ወሖረ ኀበ አርዳኢሁ ወረከቦሙ እንዘ ይነውሙ ወይቤሎ ለጴጥሮስ ከመዝኑ ስእንክሙ ተጊሀ አሐተ ሰዓተ ምስሌየ።

ወናሁ እብለክሙ ኢይሰቲ እንከ እምዝንቱ አፂረ ፍሬ ወይን እስከ እንታክቲ ዕለት አመ አስትዮ ሐዲሰ ምስሌክሙ በመንግሥተ አቡየ።

ወተዘከረ ጴጥሮስ ቃሎ ለእግዚእ ኢየሱስ ዘይቤሎ ሥልሰ ትክሕደኒ ዘእንበለ ይንቁ ዶርሆ ወወፅአ አፍኣ ወበከየ ብካየ መሪረ።

ተንሥኡ፥ ንሑር ናሁ ቀርበ ዘያገብአኒ።

ወይቤሎ እግዚእ ኢየሱስ አግብኣ ለመጥባሕትከ ውስተ ቤታ እስመ ኵሎሙ እለ መጥባሕተ ያነሥኡ በመጥባሕት ይመውቱ።