Популярні біблійні вірші з Malika 14

Поділитись

Neke atigilage: aba, ve dâda, uveve kisikulemile kinu, ungakidzufya ikińwelo iki apangu; neke utane ukugendela, lwe ṅelye unene, ugendelage, lwe ukelye juve.

Muvedzage mîho, mulapangilage, ukuta lutane ukuvagwila ulugemyo uńeńe. Ugwene umubepo gwidike neke ińama ja muvili ijo ngajangufu.

Ndakyene unene ndikuvavula nditigila: monda mu-ńi, mwe liladalikwa ilyevangeli, na ju mukiṅinavo uju amalimo gakwe, ge alimile, galalongwa, galavedza ga kumukumbuka nave.

Neke baho atigilage: umutima gwangu guńeṅemye kondakonda, ndili ngita ndi muńa-kufwa swe. Mwikale baha uńeńe, muvedzage mîho.

Neke lino vavye vagenda pakulya, neke Jesu inulage uvugali neke ahongedzage neke ameguliṅasage neke avapelage vavo neke atigilage: kote, uvwene uvu gwe muvili gwangu.

Neke inulage nikińwelo neke ahongedzage neke avapelage vonda neke vańwelage kikyo. Neke avalongelage atigilage: je danda jangu ija lufingo, je ndivitye avolofu.

Neke baho Jesu avalongelage atigilage: ikilo iki mwivonda mulatigila muńa-kutwambudza uju, pakuva lolilwe pahâte ulwitigila: „ndilamutova umudimi, apo swe baho iṅolo dza kipinga kyakwe dzilapalaṅana.“

Mulamuke tugendage, ali pîpi, je akŭsutulila unene.

Neke apilusage Jesu atigilage: ndakyene uńeńe ndikukuvula nditigila: ki kilo ikya neṅuli iki, indzogolo pe jisina jivanga ulwa kavili, apo uveve ve vwikanile kadatu ukwangu ukuta sindimudzelye unene.