Популярні біблійні вірші з Jâŋ 6

Поділитись

Yěso lâʼ lə́ páp ngô: «Məŋ lə̂ pə̌ mbələ̂ghʼ yi a ghʉ pə́ pə̂ wó, ŋuu lə̌i ntsə́ʉ nzəm məŋ, nji lâʼ nkə́ nzâŋ yé yé po, ŋuu póu ncóghʼ ntə̂u yé lə́ məŋ, ndě-nci lâʼ nkə́ nzə̂u yé yé po.

Ndaʼ Zəghʼə Sê lə́ ŋə̂ ləcwôr, mətəʉ ŋuu-məsoŋ kâa kûʼ yé lə̂ ngʉ̂ có zə̂u. Mətsâr mi n ŋə̂ lə́ pei fû mbó Zəghʼə Sê, ə́ mbou mə́ ŋə̂ ləcwôr.

Koo pei fâʼ ndághʼ ńdôu pə́ məzʉ̂ mi ə́ pə́ ncoŋtə́, pei fáʼ ndághʼ ńdôu pə́ məzʉ̂ mi kâa pə́ mê yé, ə́ mbóu mə́ ŋə̂ ləcwôr tə me. Môu Ŋuu táa ŋə́ məzʉ̂ mei lə́ pei, ńté no Tǎa Sê pə̂i məfaʼ mi a faʼ měi.

Ə zə̂u yi Tə́ ghâa pə̌ nkǒŋ, ə̂ yo: Ŋuu lə̌i njwó ghâa yi m mbə̌ Môu ye, ə́ ncóghʼ ntə̂ʉ yé lə́ zʉ́ Tə́, n ngʉ̂ mbə́ ndyəghʼ-nzəm leʼé, ə́ ngʉ̌ a zʉ̂ʉ lə́ ləwʉ̂.»

Yěso pwôr lə́ páp ngô: «Ə faʼ yi Sê pə̌ nkoŋ ńgó pei fâʼ, ə́ pə́ ńgó pei cóghʼ ntə̂ʉ wéi lə́ ŋuu yi a lə tə́u yé.»

Pye pə́tsəm pi Tə́ ŋə̌ lə́ məŋ wo tsə́ʉ nzəm məŋ, m mbóu ndáʼ nzûŋ ghâa gháp po.

Síməu Pyêh pwôr lə́ zʉ́ ngô: «Ə́ Nde, paghʼ lə̌r wǒ cə́r wǒ? O ghwo mətsâr ləcwôr tə me.

Mə̂ŋ ŋuu yi a pə̌ mbələ̂ghʼ yi a fǔ tʉ̌-lə́pû shíʼ, ə́ mə́ ŋə̂ ləcwôr lêi. Ŋuu lə̌i mpfár wěi, mə́i a táa ghwǒ ləcwôr tə me. Mbələ̂ghʼ wêi yi n ngwo ŋə́ wó lêi, ə̂ mbap mbəʉ zâa, n ŋə̂ ndághʼ ńdou ńgó pye-mə́soŋ cər nzʉ̂ ghwô ləcwôr tə me.»

Mboʼ ŋuu tsə̂ʉ yé nzəm məŋ tə́ ghó Tə́ ghâa yi a lə tə́u ghâa lə̂ cʉ́ŋə́ yé ńŋə́ lə́ məŋ po, a wo tsə́ʉ nzəm məŋ yə́rə́, n ngʉ́ mbə́ ndyəghʼ-nzəm leʼé, ə́ ngʉ́ a zʉ́ʉ lə̂ ləwʉ̂.

Ńté no mbələ̂ghʼ yi Sê ŋə̂, ə̂ ŋuu yi a lə fú tʉ̌-lə́pû ə́ mə́ ŋə̂ ləcwôr mbó pye cər nzʉ̂.»

Mə̂ŋ mbələ̂ghʼ yi a ŋə̂ ləcwôr tə me.

Yěso pfû mbələ̂ghʼ wêi, ə́ ŋə́ nkhwo mbó Sê, ə́ ngaptə́ lə̂ lâʼ. Ə́ nkə́ ngʉ́ pə́ yə́rə́ lə̂ shû, wǒwó pfâr ghíʼ a kǒŋ. Ŋuu ntsəm pfâr tə njwə́r, Yěso lâʼ lə́ ngaŋə-jyêʼ-no yé ngô: «Pei kə̂itə́ məpfuʼ mi ə́ vǔʼ tə koo có cwî.»

Gháp laghʼ Kənyúʼ ŋə̂i no zə̂u pəkíləu pə́taa káa ntoghʼó, ə́ njwó Yěso pə̂ ŋə̂i ndəu nci ńtó ńcə́r gháp, gháp ji lə̂ mbóghʼ, ə́ ngwə̂r. Lə́ Yěso lâʼ lə́ páp ngô: «Koo pei pôghʼ, ə̂ məŋ!»