Популярні біблійні вірші з Kut 21

Поділитись

Nyakubaho akagirira Saara embabazi nk'oku yaagambire, yaamukorera nk'oku yaaraganiise.

Ruhanga nikwo kuhurira eiraka ry'ogwo mwana, na Maraika wa Ruhanga omu iguru akeeta Hagari akamugira ati: Waaba ota, Hagari? Huumura! Manya Ruhanga yaahurira eiraka ry'ogwo mwana ahu ari. Mbwenu imuka, oiheho ogwo mwana omubumbatire, ahabw'okuba ndyamwihamu eihanga rihango.

Saara yaabaka enda, yaazaarira Aburahamu omutabani omu myaka ye ey'obugurusi, omu bunaku obu Nyakubaho yaabaire amugambiire.

Na Saara nikwo kugira ati: Ruhanga anshekize, n'oraakihurire weena naija kusheka naanye.

Kwonka Ruhanga yaagira Aburahamu ati: Otaguubwa kubi ahabw'ogwo mwojo n'ahabw'omuzaana waawe. Kyona eki Saara araakugambire obe nikyo waakora, ahabw'okuba omuri Isaaka nimwo baijukuru baawe baryetererwa.

Kandi hoona mutabani w'omuzaana waawe ndyamwihamu eihanga, ahabw'okuba nawe n'oruzaaro rwawe.