Популярні біблійні вірші з Markus 14

Поділитись

Dia bilang bagini, “Papa e, ya Bapa, Kita tau samua Bapa bisa biking, tarada yang tara bisa. Jadi Kita minta Bapa kase jao samua penderitaan ini dari Kita, tapi jang iko Kita pe mau, iko saja Bapa pe mau.”

Bajaga-jaga deng berdoa suda, supaya jang ngoni tagoda biking dosa, karna biar ngoni pe hati suka mo iko pa Kita, tapi ngoni pe badan tara mampo.”

Inga bae-bae yang Kita bilang ini, di mana saja orang-orang kase tau Kabar Bae dari Tuhan Allah di seluru dunia, pasti dorang mo carita apa yang parampuang ini so biking pa Kita sampe orang-orang akan inga pa dia turus.”

Kong Dia bilang pa dong tiga, “Kita pe hati susa skali, rasa-rasa sama deng mo mati. Ngoni di sini dulu e, kong bajaga-jaga.”

Waktu Yesus deng Dia pe murit-murit sementara makang, Yesus ambe roti kong bilang tarimakasi pa Tuhan Allah. Abis itu, Dia pela-pela roti itu kong Dia kase pa dorang, Dia bilang, “Roti ini Kita pe badan, ambe suda.”

Abis itu, Dia ambe cawan kong bilang tarimakasi pa Tuhan Allah. Turus, Dia kase pa dorang kong dorang samua minum dari cawan itu. Dia bilang pa dorang, “Ini Kita pe dara. Waktu Kita mati, Kita pe dara akan tatumpa untuk kase sah Tuhan Allah pe janji pa manusia. Kong Kita pe dara itu tatumpa untuk tebus banya orang pe dosa.

Turus Yesus bilang pa dorang, “Ngoni samua pe percaya pa Kita akan tagoyang sampe ngoni lari kase tinggal pa Kita. Barang, Tuhan Allah so perna bilang di Kitab Suci bagini, ‘Kita akan bunu pa gembala, kong domba-domba yang dia jaga akan talamburang kasana-kamari.’

Badiri suda la torang pigi. Orang yang mo bahianat pa Kita so dekat.”

Turus Yesus bilang pa dia, “Dengar bae-bae yang Kita bilang pa ngana, malam ini suda, sebelum ayam bakuku dua kali, ngana so manyangkal tiga kali, bilang ngana tara kanal pa Kita.”