Популярні біблійні вірші з John 13

Поділитись

Emennak Enupantok tùlù uya sàlà, echi'nùn pe ettàk kon. Uyi'nùn pe àkupùppù kon uya kasa, mechinùnmatàik. Tùuchi'nùnmaik ewechi kon tense, tamù'nawolon kon uya eyittu kon màlà unenupa ton pe ewechi kon,” teppù Jesus uya.

Sàlà pe, Etichayi molopai Eyepulu kon atta kon kukapàssan, màlà kasa nàlàichi àtonpa kon pùta mùkukatàik,” teppù Jesus uya tok pàk. “Yentok auya'nokon ipàkàlà pe tùkuppàssaik àpàkù'nokon, màlà kasa làma ikupù kon pa.

Jesus uya imaimu yeikuppù, “Tùkussai'nùk ittu auya pùla man sàlà pe, tùse masa lùiwa ittu auya màlà,” tukaik.

Ailon kulu sàlà, apyoto mùkkàlà tepulu yentaino pen. Molopai mayin yekamaik yeunossak mùkkàlà teuno'nàippù yentaino pen.

Sàlà yamùk ittu auya'nokon yau, ipùlemasak pe ewechi kon màlà ikupù auya'nokon yau.

Màlàyau iwe'wuluukappù tùuta'letà yapon poi, molopai ipploppon tùpon mokkappù ya molopai towelù yaulomùppù ya tùwoloppai pàk. Màlà tùpo tuna mappù ya pùsau yak, molopai tùnenupa ton pùta kukappù ya molopai ya'munakkappù ya tùwoloppai pokon towelù ke.