Популярні біблійні вірші з मत्ती 5

Поділитись

लोक दीया बकेइया माँज़ै हेठै नी बल्कि दीपदानी पैंधै रखा सी, तैबै तुंई लाइया घौरा रै सैभी लोका बै प्याशा होआ सा। तैण्ढाऐ तुसरा प्याशा मांहणु सामनै लोड़ी च़मकू कि ते तुसरै भलै कोमा बै हेरिया तुसरै बापू री, ज़ो स्वर्गा न सी सराहणा केरलै।

तुसै दुनियै रै प्याशै सांही सी, ज़ुण ग्राँ ढौगा पैंधै सा सौ छुपी नी सकदा।

धन्य सी ते, ज़ौसरै मन साफ़ सी, किबैकि तिन्हां परमेश्वर हेरना।

धन्य सी ते लोका, ज़ुण धर्मै रै भूखै हो शोखे सी, किबैकि परमेश्वर तै रज़ाणै।

पर हांऊँ तुसाबै बोला सा कि आपणै बैरी सैंघै भी झ़ुरी रखा होर ज़ुणा तुसाबै तंग केरा सी तिन्हरी तैंईंयैं प्रार्थना केरा।

“धन्य सी ते, ज़ुणा मनै रै दीन सी, किबैकि स्वर्गा रा राज्य तिन्हरा सा।

धन्य सी ते, ज़ो मेल कराणू आल़ै सी; किबैकि तिन्हां परमेश्वरा रै औलाद कहलाइणा।

धन्य सी ते, ज़ुणा शोक केरा सी; किबैकि तिन्हां बै शान्ति मिलणी।

धन्य सी तै, ज़ुणा धर्मै री बजहा न दु:ख सौहा सी, किबैकि स्वर्ग रा राज्य तिन्हरा सा।”

धन्य सी ते, ज़ो दया केरा सी, किबैकि तिन्हां पैंधै बी दया केरिनी।

धन्य सी तुसै ज़ैबै मेरी बजहा सैंघै लोका तुसरी निन्दा केरलै होर झ़ुठ बोली-बोलिया तुसरै खिलाफ़ सैभ किस्मा री बुरी गैला बोलै। खुश होर मगन होईत् किबैकि तुसरी तैंईंयैं स्वर्गा न बड़ा ईनाम रखू सा। किबैकि तिन्हैं ते भविष्यवाणी केरनु आल़ा ज़ो तुसा न पैहलै ती ऐसा रीतियै सताऐ ती।

धन्य सी ते, ज़ो नम्र सी, किबैकि तिन्हां धौरती रै अधिकारी होंणा।

तुसै धौरती रै लूण सांही सी, पर अगर लूणा रा स्वाद बिगड़ला, ता सौ किज़ी च़ीज़ै लूणा केरिना? तैबै सौ कौसी कोमा रा नी सिवाय एथै रै कि सौ बाहरै शेटिला होर मांहणु री ज़ोंघा हेठै जखड़िला।

तुसै काबिल बणा, ज़ैण्ढा तुसरा स्वर्गा न रौहणु आल़ा परमेश्वर पिता काबिल सा।

पर तुसरी गैला न हाँ ता हाँ, होर नैंई ता नैंई हो, किबैकि ज़ो एथा न ज़ादा होआ सा सौ शैताना धिरै न होआ सा।

तुसै शुणू सा, कि ऐ बोलूआ सा, कि औछ़ी रै बदलै औछ़ी, होर दोंदै रै बदलै दोंद। पर हांऊँ तुसाबै बोला सा, कि कौसी भी बुराई रा सामना हेरीत् केरदै, पर ज़ुण तेरै दैहिणै गलोटै न थप्पड़ बाहला ता तू तेई धिराबै दुजा गलोटा भी फेरेई।

अगर तेरी दैहिणी औछ़ी तौभै ठोकर खियाए, ता तू तेसा बै खोलिया शेट किबैकि तेरी तैंईंयैं ऐ भला सा कि तेरै औंगा न एक नाश होला होर तेरा सारा शरीर नरका बै नी जाला। अगर तेरा दैहिणा हौथ तौभै ठोकर खियाए, तौ न पाप करा सा ता तू तेइबै काटिया शेट किबैकि तेरी तैंईंयैं ऐ भला सा कि तेरै एकी औंगा न एक नाश होला होर तेरा सारा शरीर नरका नी पौड़ला।”