Популярні біблійні вірші з Gyenesis 15

Поділитись

Na ɔgyee EWURADZE dzii; na EWURADZE buu ne gyedzi ndzeyɛtsenenee maa no.

Iyinom ekyir no EWURADZE n’asɛm baa Abram hɔ wɔ enyido adzehu mu dɛ, Mma nnsuro, Abram: Emi nye wo kokyɛm, na mebɛma wo akatua a ɔbor do.

Na ɔdze no puei, na ɔsee dɛ, Afei hwɛ sor, na kan nworaba no, kyerɛ dɛ ibotum akan a: na ɔsee no dɛ, Mbrɛ w’asefo bɛyɛ nye no.

Na, hwɛ, EWURADZE n’asɛm baa no hɔ dɛ, Nnyɛ oyi bi na ɔbɛyɛ wo dziadzenyi; na dza ofi woara wo nson mu bɛba no, ɔno na obedzi w’adze.

Na Ewuradze see Abram dɛ, Hu no ampaara dɛ w’asefo bɛyɛ ahɔho wɔ asaase a ɔnnyɛ hɔndze do, na wɔbɛyɛ nkowaa na wɔasom hɔn; na wɔbɛtseetsee hɔn mfe ahaanan

Na Abram see dɛ, EWURADZE Nyankopɔn, ebɛnadze na edze bɛma me, hwɛ dɛ minnyi ba na menam, na nyia obedzi m’adze nye Eliezer a ofi Damaskɔs anaa?

Da no ara mu na EWURADZE nye Abram dzii ahyɛmu see dɛ, W’asefo na medze asaase yi ama hɔn, ofi Egypt esutsen no ho kodu esutsen kɛse no, Eufrates esutsen no ho

Na mbasantsen a otsia anan no mu na wɔbɛba ha bio: osiandɛ Amorifo emumuyɛ nnyae nnyɛɛ ma.