Популярні біблійні вірші з O LUKAS 24

Поділитись

Deʼ Ngohi mahirete aha tohidingoto nginika okia o Ama wojäjajioka. Mä ngini kokiani nitatapu nitamä o bereraka nënanga hiädono ma Jou Madutu aikuaha inïhawo ngini.”

Unanga koiwiwa nengokadau. Unanga womomikoka! Niohohininga okia Unanga winihingahuoka nginika maöraha Unanga ka o Galilea madaeraokahi.

Ipaha önanga yanäko gënanga o Yesus. Mä Unanga wohihangoka toona manga lolegaka. Onanga imabori temo, ”Mode koigoungua hamäo nanga hininga hokä iruae, maöraha Unanga homäteke ade-ade o ngëkomo mahoanoka deʼ wohitararono Ma Jou Ai Demo ma Buku madol̄a ngoneino?”

Daha Unanga wätemo onangika, ”Ma Jou Ai Demo ma Buku magoronaka yatulihi ma Koano Wohihohalamati gënanga kokiani waohana o huha de o hangihara, deʼ kokiani womomikoli o honenge mahidogoronaka o wange mahangeoka. Inoli de ma Koano Wohihohalamati Airomanga kokiani ihiabari hagala o hoanika de o berera manyawaika, kiaka o nyawa kokiani yotoba deʼ ma Jou Madutu waapongo manga baradoha. Deʼ o abari gënanga kokiani ihingahu o Yerusalemoka de imuläenge.

O lungunoka, önanga yamäke mahelewo madadamunu iluluika. Daha önanga yowohama o lungunu gënanga magoronaika, mäyamäkeua ma Jou Yesus aimayeti genangoka.