Популярні біблійні вірші з JAHJA 15

Поділитись

Ani ki uta buda uti, daana ikii ke kago muto kede. Meija ani duba topi, daana ani okai duba topa, okai uta wedaba gou. Ani ma enaimo beu ki-toojogo ikii tumaana agijo ma te keitimakija.

Ikii ani duba tou to, daana ani maija ikii duba. Kago kodaa to uta te goja danite, uti maida te ti-toojogo ko, kou danite ikii maija te kei timakija, ani duba te ti-toojogo ko.

Kou danite ikii ani duba topa ko, daana anija mana kodo ikii duba topa ko, ikiija gaja agijo ko nadiimai to, tijake kijakei tijawii.

Ikiija ka nawitokai ko beu, kodeja ani kidaa kiwitokijake boko kijaduwajawii, ikii uwijake uta go-tita, daana uta kodo imo kidi to-tijake; ikiija ka aneeka dubaiga Naitaipa ediimija agijo kodo okai kinijawe-tita.

Kou wouto ka ei dimi beu topa, kou danite me idaana ogaaneido maida make dimi mana jaekegajawii ko.

Ani maida ka kagoudo kede uta gou beu ka kede okai duwamigii. Daana uta goja ka kago kede kodu ka daniido tuwakumii; uta abuma go-tijake na kidi.

Kii ke anija kitimakai mana, ikii kede ei akaga tai, anija ei kigai danite.

Kii mana muto duba kiija Naitai kidi ajiipi etijawita, kou ko ikii uta abuma gou kodo. Kou dani tijake ikii anija kitopetaido kai.

„Ani ki uta buda uti puki, daana Naitai kidi mune-tai me kidi.

Kou danite me idaana ani duba te topi ko, kago bukaa emigimakijake denakogi. Wadoutouga kotuu timakijake bodija jojawii.

Kei manaido kei ani kiti-kineega, anija ideide dimi ikii duba to-tijake, daana ikiija ka ideide kodo maija boko duwadoke te-tijake.

Kou danite ikii anija mana najakimakipa ko, anija ei kigai duba ikii touta; ani maija Naitaija mana jajakimakai danite, daana okaija ei nagai duba tou to.

Kii ke anija kitimakai mana, ikii kede ei akaga tai.

Kou danite ikii makiida ka bagee naako, makiida ipuwe kojoka ei kigai. Kodeja ikii ke makiida ka ko beu, kodeja ani makiidaapa make kiwitokeetega; okai kouja makiida kodaa be kigai.