Популярні біблійні вірші з Zɔ̃̀ɔ̃́ 15

Поділитись

“Ma lɛ́ m ɓɛ̀lɛ̀-wɛ́lɛ́-kɔ́ɔ́ɔ dìè káa. Ka bɛ̃̀ɛ̃, ka lɛ́ ka m kɔ̀ káa. Mi lɛ́ à yàlà kṹũ̀ è lo kɛɛ̀á m yí, lɛ́ ma bɛ̃̀ɛ̃ m zì kṹũ̀ lɛ à yía, lɛ́ɛ̀ lo ɓaà e ɓɛɛ ká gbùò, ɓii kàá bɛ̀i wɔ̃́ nɔ́ɔ fé kɛɛ̀ m tií.

Kà ka yàlà kṹ m yí. Ká kɛ̀á kília, ma bɛ̃̀ɛ̃ ḿm̀ lo m zì kṹũ̀ ka yí. Pɛ kɔ̀ lɛ̀ɛ́ bɛ̀i ɓaà e dìè wũ mɔ̀. Kɛɛ lɛ́ɛ̀ ɓa yé à gbɛ̃̀ɛ̃̀ lɛ e lèe mɔ̀ɔ ká. Zi nɔ́ doóa káa, ka bɛ̃̀ɛ̃ kàá bɛ̀i ɓaà yé ka yàlà kṹũ̀ wá m yía ká.

Ká ka yàlà kũ̀á m yí, ɛ̃́ɛ̃́ tó m lé-wè áà e yàlà kũ̀ ka yía, kɛɛ káà lo pɛ nɔ́ɔ fé kà nàà à káa pɛ̃́ɛ̃̀, tó káà sɔ̀lɔ̀ ɓò.

Kàá gbaa m sí. Kɛɛ ma lɛ́ m ka sía. Ɛ́ɛ̃́ maà yíí suo ka mɔ̀ kɛ ká ló ká ɓa ka ɓɛɛ ká, kɛ ka ɓɛɛ e kília é kɛ ɓe. Yé aà kɛ kília, mia Dàa lɛ́ɛ̀ lo pɛ nɔ́ɔ fé lɛ́ kà lo à pɛ̃́ɛ̃̀ à mɔ̀ m tɔ́ yía nɔɔ̀ ka lɛ̀ɛ.

Lɔ̀-kɛ̀à-mɔ̀ gbùò kpó-kpó lɛ́ à diè lɛ pɛ séĩ́ làa lɛ́ e kélɛ̀, mi í ɓà kɛ̀ɓe nɔ i ɓɛ́ĩ̀ nì wɛ̃́ĩ̀.

Lɛ́ɛ̀ m kɔ̀ séĩ́ lɛ́ lɛ̀ɛ́ ɓaa ɓo m mɔ̀, tó áà m kɔ̀ séĩ́ lɛ́ è ɓaa là kã̀ kɛ é ɓa e ɓɛɛ ká zeĩ́ gbùò.

Wɔ̃́ m̀ gèe ká kɛɛ, gɛ̃̀ e ké. Ka kíe nì lɔ̀ è kpɔ́ ka mɔ̀, lɛ̀ zí ka lɔ̀ kpɔ́ɔ̀ lɛ à ká m mɔ̀ɔ lɛ́ ɓe.

Zi lɛ́ mia ò lo m Dàa zì kɛ̀-kpànazɛ̀-kɔ̀ gɛ̃̀áa, lɛ́ e kélɛ̀, yé kaà ɓa ka ɓɛɛ ká gbùòa. Zí e kéa káa, káà lo kɛɛ̀á tò-m-píé-mìà ká.

“Ma lɛ́ m ɓɛ̀lɛ̀-wɛ́lɛ́-kɔ́ɔ́ ɓɛ dìè kpó-kpó káa. M Dàa lɛ́ e nyìɛ-kɛ̀-nyɛ́nɛ̀ɛ-mɔ̀-mì káa.

Mi lɛ́ lɛ̀ɛ́ e yàlà kṹ m yía, à dùò lɛ luú lɛ̀ yílí-kɔ̀ lɛ́ ò kã e lèe mɔ̀, wáà dùò luú tó áà kpáa kũ̀a lɛ́ ɓe. Óò yílí-kɔ̀ sùua pa e kíe mɔ̀, tó wa dùò tíé yí, tó áà gèlè.

“Wɔ̃́ e kéa ma gèe ka lɛ̀ɛ kɛɛ m mɔ́ɔ̀ géli é kɛ ka yí, ɛ̃́ɛ̃́ ka zì géli lé é pa kpó-kpó ɓo.

Ká wɔ̃́ m̀ gèe ka lɛ̀ɛ ká kɛɛ kɛ̀áa, ka yàlà kṹũ̀ lɛ́ɛ̀ lo kɛɛ̀á m zì mia lɔ̀-kpɔ̀-m-mɔ̀ yí, lɛ̀ zí nɔ́ maà wɔ̃́ lɛ́ m Dàa aà à gèe ḿ kɛɛ kɛá, lɛ́ m yàlà kṹũ̀ lɛ à zì m lɔ̀-kpɔ̀à-mɔ̀ yía ká.

Wɔ̃́ e kéa lɛ́ m̀ gèe ka lɛ̀ɛ ká kɛɛ. Ye lɛ́ e kélɛ̀, ka kíe nì lɔ̀ è kpɔ́ ka mɔ̀.

È kɛ̀á ka kpóṹ là mìà káa, ka lɔ̀ áá kpɔ́ɔ̀ kpóṹ là mɔ̀ lɛ̀ zí là mia nì lɔ̀ è kpɔá à mɔ̀ɔ lɛ́ ɓe. Kɛɛ maà ka sí m zɔ̃̀ɔ̃̀ ká kpóṹ là mìà bà. Ɛ́ɛ̃́ ka wá gbaa kpóṹ là là mia nì ká. Pɛ́ à kɛ̀ lɛ́ ka lɔ̀ nyɛɛ̀ lɛ kpóṹ là mɔ̀ɔ lɛ́ ɓɛ.