Популярні біблійні вірші з Zɔ̃̀ɔ̃́ 10

Поділитись

Kã̀ã-mì zì nú à ɓoa, lɛ́ɛ̀ nu kɛɛ é kã̀ã ɓo, ɛ̃́ɛ̃́ é mi zɛ, e bɛ̀i, é pɛ yí sìè. Ma yee, m nuù lɛ kɛ ó kɛ̀ɓe sɔ̀lɔ̀ ɓo, ɛ̃́ɛ̃́ zeĩ́ ó à sɔ̀lɔ̀ ɓo yí gbùò zɛ̀.

“Ma lɛ́ m nyìɛ-kɛ̀-ɓáá-mɔ̀-mì kpeĩ káa. Nyìɛ-kɛ̀-ɓáá-mɔ̀-mì kpeĩ lɛ́ɛ̀ e zì kɛ̀ɓe nɔ ɓáá vɔ̀ɔ mɔ́ɔ̀ wɔ̃̀ mɔ̀.

M̀ ɓáá vɔ̀ óò o tóó dɔ m wéè mɔ̀. Ḿm̀ o dɔ, ɛ̃́ɛ̃́ óò to m píé.

Ḿm̀ kɛ̀ɓe wɔ́lɔ́-wɔ́lɔ́ nɔ o lɛ̀ɛ. Òó ló gaà gbɛɛ ɓo. Ɛ́ɛ̃́ mi gbɛɛ lɛ̀ɛ́ bɛ̀i o sɔ̀nɔ́ɔ̀ m kɛ̀lɛ̀.

Ma lɛ́ m gàlà-lé káa. Mí è lo kpɔ́ɔ̀ m là, lɛ́ è wàà gàlàa yía, lɛ́ɛ̀ lo la-ɓo sɔ̀lɔ̀ ɓoò. Lɛ́ɛ̀ lo wàà kɛ́ì, tó áà ɓɔ̀ pɛlɛí, ɛ̃́ɛ̃́ lɛ́ɛ̀ lo sùu lɔ́ɔ́-lɔ̀ɔ̀ gɛ̃̀ɛ̃̀ áà ɓèlè.

Ma lɛ́ m nyìɛ-kɛ̀-ɓáá-mɔ̀-mì kpeĩ káa. Zí mia Dàa è m dɔ à ká, lɛ́ ma bɛ̃̀ɛ̃ m̀ dɔ à káa, zi nɔ́ doóa lɛ́ m̀ m̀ ɓáá vɔ̀ɔ dɔ à ká, tó o bɛ̃̀ɛ̃ wáà m dɔ̀ à káa. Ɛ́ɛ̃́ ḿm̀ m zì kɛ̀ɓe nɔ o mɔ́ɔ̀ wɔ̃̀ mɔ̀.

Pɛ lɛ́ m Dàa aà nɔ m lɛ̀ɛ, lɛ kpànazɛ̀ é dieá pɛ séĩ́ là. Mi gbɛɛ lɛ̀ɛ́ bɛ̀i o sɔ̀nɔ́ɔ̀ mia Dàa kɛ̀lɛ̀. Ma yeeò, e bɛ̀i mia Dàa ɓɛ, ko nɔ́ doó.”

Ma lɛ́ m nyìɛ-kɛ̀-ɓáá-mɔ̀-mì kpeĩ káa. Zí mia Dàa è m dɔ à ká, lɛ́ ma bɛ̃̀ɛ̃ m̀ dɔ à káa, zi nɔ́ doóa lɛ́ m̀ m̀ ɓáá vɔ̀ɔ dɔ à ká, tó o bɛ̃̀ɛ̃ wáà m dɔ̀ à káa. Ɛ́ɛ̃́ ḿm̀ m zì kɛ̀ɓe nɔ o mɔ́ɔ̀ wɔ̃̀ mɔ̀.

Mi gbɛɛ lɛ̀ɛ́ m zì kɛ̀ɓe kṹ m kɛ̀lɛ̀. Ma nɔ m dìè kɔ̀ ká. Yíkɛ̀ gáàa lɛ m kɛ̀lɛ̀ kɛ ḿ nɔ, ɛ̃́ɛ̃́ yíkɛ̀ gáàa lɛ m kɛ̀lɛ̀ kɛ ḿ sí zeĩ́. Pɛ́ m Dàa aà à gèe ḿ kɛɛ, lɛ́ ɓɛ.”

Lɛ̀ e kɛ kília, Zízɛ̀ a gèe zeĩ́, “Wánà-wɔ̃̀ lɛ́ m̀ gèe ka lɛ̀ɛ ɓɛ. Ma lɛ́ m ɓáá vɔ̀ɔ wà gàlà-lé káa.

Yɛɓo-kɛ̀-mi-mɔ̀-mì, lɛ́ ye wá nyìɛ-kɛ̀-ɓáá-mɔ̀-mì ká, ɛ̃́ɛ̃́ lɛ́ là pɛ wá ɓáá vɔ̀ɔ káa, lɛ́ɛ̀ ɓáá vɔ̀ɔ to kàá, e là ló ɓo yé aà wìì nyaàa gɛ̃̀, áà nùa ká. Yé aà kɛ kília, wìì nyaàa lɛ́ɛ̀ nu, tó e wí ɓáá vɔ̀ɔ dò mɔ̀, tó o kã́ o kíe mɔ̀.

“Wánà-wɔ̃́ kpó-kpó lɛ́ m̀ gèe ka lɛ̀ɛ ɓɛ. Mi lɛ́ lɛ̀ɛ́ ló kpɔ́ɔ̀ ɓáá gàlàa lé kɛ é wàà gàlàa yí, lɛ́ è lo tɛ̀nɛ̀ gàlàa mɔ̀ kɛ é gbɛ̃̀ gàlàa yí zi gbɛɛ káa, kɛɛ lɛ kã̀ã-mì wà dà-kã̀ã̀-ɓo-mì ká.