Популярні біблійні вірші з Àpɔ́sɔ̀lɔ̀ 2

Поділитись

Pílɛ̀ a gèe o lɛ̀ɛ, “Ka séĩ́ kà ka sɔ̃̀ɔ̃ yɔɔ mɛ́ vɔ̀ɔ, ɛ̃́ɛ̃́ ka bàtáì kɛɛ̀ é kɛá Zízɛ̀ Kɛ́lɛ̀ì tɔ́ yí, kɛɛ ka kɛ-wɔ̃̀ yɔɔ é ɓo ka wũ mɔ̀. Yé aà kɛ kília, káà lo Wálà là nɔ̀-lɛ̀ɛ-pɛ̀, lɛ́ e Gɛ̀ɛ̀ Púlú káa, sɔ̀lɔ̀ ɓoò.

O o dìè nɔ gbaa pɛ lɛ́ àpɔ́sɔ̀lɔ̀ vɔ̀ɔ o kɛ à zɔ̃̀ɔ̃̀pìàa lɛ̀ɛ, ɛ̃́ɛ̃́ tàà-kíe-píé kɛɛ̀, e bɛ̀i léɓèlè ɓèlè e kíe là, e bɛ̀i zeĩ́, sɛ̀nɛ ɓoò nì lɛ̀ɛ.

O séĩ́-séĩ́ o paà e kɛá Gɛ̀ɛ̀ Púlú ká. O gbɛ̃̀, wáà wé gbɛɛ̀ gbɛɛ lɛ́ Gɛ̀ɛ̀ Púlú aà bɛ̀i kɛ o mɔ̀ kɛ ó gèea, gèè píé.

Nɔ́ zá lea, wéé dò e gó lɛ̀í. À vĩ e kɛ kélɛ̀ fã̀ã̀ gbùò lɛ́ è dìè. À vĩ e kília e ká lɛ́ o kɛ yàá wìa, pa e lɛ̀ séĩ́ mɔ̀. Lɛ̀ e kɛ kília, o pɛ dò lɛ́ à ɓɔɔ̀ e kɛá tíé nanà bàa gɛ̃̀. À wɛ̃̀ĩĩ̀ e kɛá káa wì píé. Míá o kɛ yía, tíé nanà e kília e ló áà gbɛ̃̀ o mɔ̀ o tɔ̀ là doó doó. O séĩ́-séĩ́ o paà e kɛá Gɛ̀ɛ̀ Púlú ká. O gbɛ̃̀, wáà wé gbɛɛ̀ gbɛɛ lɛ́ Gɛ̀ɛ̀ Púlú aà bɛ̀i kɛ o mɔ̀ kɛ ó gèea, gèè píé.

Lúó séĩ́ káa, o kɛ pápìà o kíe mɔ̀ sálà-ɓò-Wálà-lɛ̀ɛ-kà wì. O kɛ léɓèlèa ɓèlèpìà e kíe là o píé kɛ́ì píé. O wà léɓèlèa ɓèlè zò géli wà dìè-sì-péĩ́ ká. O kɛ Wálà tɔ́ ɓɔpìà, ɛ̃́ɛ̃́ mia séĩ́ zò dàaà e kɛá o píé. Lúó séĩ́ káa, ko Dàa-mì e kɛ o là kpɔ́pìà mia lɛ́ o kɛ la-ɓo sɔ̀lɔ̀ ɓopìàa ká.

‘Wálà láà gèe, Wɔ̃́ lɛ́ m̀ lo à kɛɛ̀ lúó léĩ́-tó-lùò káa, gɛ̃̀ e ké. Ḿm̀ lo m Gɛ̀ɛ̀ káà mia séĩ́ là. Wɔ̃́ lɛ́ ma Wálà m̀ lo à káà ka gbe nì, wà ka lú nì lé ó gèea, óò lo à gèeè à lúó ká. Ḿm̀ lo wɔ̃́ zɔ̃̀ɔ̃̀ kà gɔ̃à nɛ̀ĩ́ lɛ̀ɛ, wáà gɛ̃̀. Ɛ́ɛ̃́ kà gɔɛì kòlò vɔ̀ óò lo mɛ̀ĩ̀ zɛɛ̀.

Mia séĩ́ lɛ́ o zò dɔɔ̀ e kɛá Zízɛ̀ mɔ̀ɔ, o ló wà tàà-kíe-píé kɛɛ̀ɛ ká o líé, ɛ̃́ɛ̃́ wáà dɔ̀ pɛ séĩ́ lɛ́ e kɛ o kíe nì kɛ̀lɛ̀ɛ yí. O kɛ pɔɔ̀ lɛ́ e kɛ o kɛ̀lɛ̀ɛ lɔ̀ɔ̀ dɔpìà, wáà à pɛ̀lèe yí gìnì o kíe nì mɔ̀. Wa yí gìniì sí pɛ lɛ́ e kɛ mi doó mɔ̀ á sɔ̀lɔ̀ ɓoa mɔ̀.

À lúó káa, mi lɛ́ è lo ko Dàa-mì tɔ́ súo kɛɛ̀ɛ, lɛ́ɛ̀ lo la-ɓo sɔ̀lɔ̀ ɓoò.’

Nyɛ́nɛ́ lɛ́ɛ̀ lo kɛɛ̀ tii. Ɛ́ɛ̃́ mɛnɛ lɛ́ɛ̀ lo kɛɛ̀ zóló lɛ̀ léà lɛ́ ɓe, kɛ bɛ̃̀ɛ̃ ko Dàa-mì là Lúó kpànazɛ̀ ɛ̃́ɛ̃́ ɓɛ̀lɛzɛ̀ ɓɛ é tĩã́ ɓɔɔ̀.