Популярні біблійні вірші з Matyu 9

Поділитись

Itu nga kinunen na kadito adalan na, “Arig nga adu win diya magani kuma, ngem e̍teng ngas diya aggani. Itu nga agkararag kayu kuma ngarud nga agadeng iya akin-kuwa iya magani, tasun uwed da ibon na kuma nga mawe̍ manggani kadiya ipagani na,” kunen na.

Ket no dakayu, masapul met nga maadal nu ya kaipapennan nidi nga naisurat iya Bibliya nga kunen na, ‘Bekken nga ya panangidatun ka animal ya paggugustuc, no di lugud ya panangaasi.’ Maawatan nu kuma ngarud ya kaipapennan niyan, ta agten met pe̍ iyaken, nga ya numbe̍tac, bekken met nga tasun awisec diya nalinteg nga toley, no di lugud diya managbasul,” kunen na.

Ket ito nasingen na dito adu nga toltoley nga naurnung antuni, naasiyan ngarud igida, ta arig da nga karne̍ru nga awan agay-aywan igida, nga nariribuc se̍ nagewweng da.

Ket ito nagicna ne̍ Je̍sus to kinunen da, kinagi na, “Bekken met nga diya nakaradkad ya makasapul ka mangngagas, no di lugud diya agsakit.

Ket itun, nawe̍ pinasyar ne̍ Je̍sus diya amin nga il-ili se̍ purpuruc antuni. Nangisursuru kadiya gigimungan da, nga nikaskasaba na ya Makaparagsac nga Damag maipanggep iya nadiyusan nga panangituray, se̍ pinalpalaing na met diya uwed orey nagan na nga sakit winno kinakapsut niya beggi da.