Популярні біблійні вірші з Kub 6

Поділитись

yasaalirwa habw'okuhanga omuntu omunsi, eki kyamusaaliza muno.

MUKAMA obu yarozire obubi bw'omuntu nkooku buli bwingi omunsi, kandi ebiteekerezo n'okugonza kwe biri ha bubi bwonka

Baitu MUKAMA akasiima Noha.

Runu, nurwo ruzaaro rwa Noha. Noha akaba ali muntu ahikiriire, ataina kibi ekirukumugambwaho omu bantu ab'ebiro ebi kandi akaba ali nganjani ya Ruhanga.

MUKAMA nukwo kugamba ati: “Omuntu ou nahangire omunsi, ninyija kumumaraho: omuntu, ebisoro, ebyekurra, n'ebinyonyi eby'omu mwanya, ninyeyijukya habw'okuhanga ebi byona.”

Abantu obu baatandikire kukanya omunsi; bakazaara abaana baisiki, abantu ba Ruhanga obu baarozire abaisiki abo bali barungi, baayeswerra baingi omuli bo nkooku baagondeze. Nubwo MUKAMA Ruhanga yagamba ati: “Omwoyo gwange ogunyakwomeeza, tiguliikara omu muntu ebiro byona, habwokuba omuntu w'okumara akacu kake, araayomeeraga emyaka kikumi n'amakumi abiri.” Omu biro ebi, abantu ba Ruhanga obu baateeraine na bahara b'abantu, baabazaraho abaana, omunsi haabamu abantu emanzi. Abo, nubo baabaire bantu b'amaani aba ira, bakaba bali bantu barangaanwa.

Noha nukwo yakozire; yakora byona Ruhanga ebi yamuragiire.

Ruhanga yagambira Noha ati: “Mmaliriire kuhwerekereza abantu boona; habwokuba basiisire ensi, boona ninyija kubahwerekereza hamu n'ebintu byona.

Weekorre eryaato ery'embaaho enungi ezigumire; eryaato eri, olicwemu ebisiika, olisiige orweju omunda n'aheeru.

Yarora nkooku esiisikaire; habwokuba mazima kwo abantu boona bakaba bahabire.

Kandi ha buli kintu kyona ekyomeezi, olitaahya omu lyaato bibiri bibiri ebya buli mulingo, ekisaija n'ekikazi, biikale hamu na iwe biri byomeezi.