Популярні біблійні вірші з Matta 13

Поділитись

Chuli inda səya tə hə'i mənakə nda tsəu, nanda ingə nji'inda ngatə ɓwanya Hyel ga ngabiya ga mər sakəda, alenyi makərkumənyi, alenyi kwakumənyi alenyi ma'a gharəu gharəu.”

Chuli inda pəpə gu shikəɗi nda, na nda ingə nji'inda ngatə ɓwanya Hyel, kəl ngə ɗəngha təkəra sər ngyar dunəya ana mwaɓər gəna, tə tsakər chi təkəra mafakə nda, ga katə nyi tsa mər sakəda.

Chuli inda pəpə ku laku nda, nanda ingə nji'inda tə ngatə mafakə təkəra təlkur huɗamələm, ya a da nda ngabiya wa, kəl sərtakə tə shili ga həbiya ɓwanya nda ku ɗufwa nda.

Chuli inda səya tə hya fafa nda, nanda ingə nji'inda ngatə mafakə nga, ga dləutsə ɗəɗəu na hirgyaɗi. Kəl ja, manda a mafakə nda da chiya dzə ku ɗufwa nda wa, a da nda hətə bəji wa, nda nda gu ɓwaɓwatə ana məndza'u anyar ɓwanya Hyel, ɗəɗəu tanyi nda dla.

“Təlkur huɗamələm kwa pabiya da gəna nda tə ɗəwa ku fa. Ngə vanya ndə tə ghahə ni, ngə cha ɓəla ɗəwanda səkəu. Ana hirgyaɗi cha ki ɗəlnda dəhə sənda tsa cha, ga shili ɗəlbiya fa nda ni.

Alenyi chuli inda tsəu tə səya tə hə'i mənakəu, nda tsa ga həa, ga pəu li alenyi makərkumənyi, alenyi kwakumənyi alenyi ma'a gharəu gharəu.

Ngya nda ma nda hə dəhə nda tsa'a tə bəjir mər alkama, aku bəji nda ngə ja, yo nar nyi nə njir mər tləra, nda ghəya tsəmbiya hihili tangərma nda mbabiya dəmadəma, nda nginda, kəl nda alkama ja, nja tsəkəu gu val.’ ”