Популярні біблійні вірші з ម៉ាថាយ 5

Поділитись

អូ ទី ពឿ សុះ តាគៀង កេះណោះ អ្យក់ រែវ កាត្រោប អុះ ទី ដឹង ពូ អ្យក់ ចៃគ ពឹង ចារ តាគៀង ភឿ តាគ់ តាតារ ប៉ាណូស អ្វៃ កាណុង ហី ទិឌូ។ ទឹល នីណោ័ះ ត្រគ់ អន់ តាតារ អន់ដីស ណោះ តាតារ ហះ ម៉ាត់ ប៉ាណូស ទិឌូ និះទៅ ដេល ភឿ អន់ ពូ ប៉ប័ សារ ដាគ់ ឡាក់ អន់ដីស ប៉្រគ័ ណោះ កេះណោះ ពូ ចឹង ប៉ានេ ប‌៉្រ័ះ ប៊កកាតយ័ ឡាក់ ពឹ អន់ដីស អ្វៃ ពឹង ប៉្លៃង តោ។

អន់ដីស ពៀប ឡាក់ កា អុញ សាំរ៉ាប់ តាគ់ តាតារ ប៉ាណូស ពឹង អង់កក់ តេះ។ ផា ពូ ប៉្រគ័ មឿង ពឹង កល់ ប៉ានឹម ពូ អោន អូ សាគឹម អុះ។

ពឿ ទី ពុត ដាគ់ អូ ទី ពុត បឺគ ប៉ាណូស ណោះ ចឹង ទី កាន សាណុក សាវ៉ាក តាទឹច ហង ខង អន់ឌែ ចឹង ប៉ប័ ប‌៉្រ័ះ ប៊កកាតយ័។

ពឿ ប៉ិច កា សារ ដាគ់ ត្រង់ កាខាក់ ប៉ាណូស ណោះ ចឹង ទី កាន សាណុក សាវ៉ាក ហង ខង ប‌៉្រ័ះ ចឹង អន់ សារ ដាគ់ ត្រង់ កា អ៊ែ តាទឹច។

ហះកា អាញ់ ប៉រ់ រ៉ះ ប៉ាឡាក់ កា អន់ដីស ណាវ្គ ផា ត្រគ់ ប៉ិច ចៃ កា មួត តាម៉ឺរ ម៉ះ អន់ដីស លូ ម៉ន់ ឡោម ប‌៉្រ័ះ ប៊កកាតយ័ អន់ សារ ដាគ់ កា មួត បក់ អូ ណីស អូ រម កា អន់ដីស ណោះ ដេល។

«ប៉ាណូស ចំ ឃឹត ផា ឡាកោ អ៊ែ តាបាយ កាសត់ តងកាន ប៉ាង៉ាត័ ប៉ាលឹង ប‌៉្រ័ះ តង័ ប៉ាណូស ណោះ ទី កាន សាណុក សាវ៉ាក តាទឹច ហង ខង ប‌៉្រ័ះ រ៉ាំងហៃ រ៉ាំងខ្យា អ៊ែ។

ពឿ រ៉ះកះ ប៉ារម ពូ អន់ រម គួប សោប ប៉ាណូស ណោះ ចឹង ទី កាន សាណុក សាវ៉ាក តាទឹច ហង ខង ប‌៉្រ័ះ ប៊កកាតយ័ ចឹង អើ ផា គន អ៊ែ។

ពឿ អ្វៃ ញ៉ាំ សោក ប៉ាណូស ណោះ ចឹង ទី កាន សាណុក សាវ៉ាក តាទឹច ហង ខង ប‌៉្រ័ះ ចឹង រ៉ាតុ អង់រ៉ើង អ៊ែ។

ប៉ាណូស ចំ ពូ អូ ណីស លូ ប៉្រគ័ បាប ញន កា ប៉្រគ័ ពួយ សារ ដាគ់ ត្រង់ ម៉ះ ប‌៉្រ័ះ ប៉ាណូស ណោះ ចឹង ទី កាន សាណុក សាវ៉ាក តាទឹច ហង ខង ប‌៉្រ័ះ រ៉ាំងហៃ រ៉ាំងខ្យា អ៊ែ។

ប៉ាណូស ចំ ទី ពុត តាប៉ាប តាប៉ុន ប៉ាណូស ណោះ ចឹង ទី កាន សាណុក សាវ៉ាក តាទឹច ហង ខង ប‌៉្រ័ះ ប៊កកាតយ័ ចឹង តាប៉ាប តាប៉ុន កា អ៊ែ ដេល។

ផះ ពូ ប៉្រគ័ បាប កា អន់ដីស លូ ពូ កាប ញគ័ កា អន់ដីស លូ កាប អូ ដាគ់ គ្រឹប នែវ ញន កា អន់ដីស សឿ អាញ់ ណោះ អន់ដីស ចឹង ទី កាន សាណុក សាវ៉ាក តាទឹច ហង។ ហគ់ អន់ដីស ហោក រ៉គ់ ពិ ខង ប‌៉្រ័ះ ចឹង អន់ កាណាគ័ ដាគ់ ខាក់ កា អន់ដីស អ្វៃ ពឹង ប៉្លៃង តោ ខង មួត រ៉ាគឹយ ប‌៉្រ័ះ សើគ ពែ កា ពូ អូ ណីស លូ ប៉្រគ័ បាប កា អន់ឌែ និះទៅ ដេល។

ពឿ ទី ពុត ឡាអត់ ប៉ាណូស ណោះ ចឹង ទី កាន សាណុក សាវ៉ាក ហង ខង ប‌៉្រ័ះ ចឹង អន់ អង់កក់ តេះ អា កា អន់ឌែ ប៉្រគ័ ប៉ាដក់ ប៉ាជៀ។

«អន់ដីស ពៀប ឡាក់ កា ប៉ោ័ះ សាំរ៉ាប់ កា ប៉ាណូស ទិឌូ ផា ប៉ោ័ះ កើត សាប អូ ប៉្រៃ កេះ ប៉ោ័ះ ណោះ អូ ទី ខា ហង។ ពូ ចឹង អ្យក់ កាណាគ័ ញ៉ា ប៉្រគ័ អន់ កើត ប៉្រៃ ណាវ្គ ? ទី ដឹង គួក អ្លាត ណោះ ពូ ចឹង ចាក ចគ័ ហង។

ទឹល នីណោ័ះ ប‌៉្រ័ះ ឡាក់ ពឹ អន់ដីស អ្វៃ ពឹង ប៉្លៃង តោ អ៊ែ ដាគ់ ត្រង់ នីចម័ អន់ អន់ដីស ដាគ់ ត្រង់ ឡាក់ កា អ៊ែ និះទៅ ដេល។

ត្រគ់ កាប ផា "តាទឹច" ឃឺ "តាទឹច" ឡូត ផា "អូ" ឃឺ "អូ" ខង ទិ សារ កាប ព្លូង ណោះ ឃឺ ឡាច់ ឡឹង ម៉ៃគ ប‌៉្រ័ះ បឺគ ដោះ។

«អន់ដីស ឃើយ កាតាំង ពូ រ៉ះ ផា "ផា ពូ ខ្វិក ម៉ាត់ អន់ដីស ម៉ោញ ប៊ែង អន់ដីស ខ្វិក ម៉ាត់ ពូ ម៉ោញ ប៊ែង និះទៅ ដេល។ ផា ពូ ដាល័ អន់ដីស ប៉ាក់ សាណាញ់ ម៉ោញ អន់ដីស ដាល័ ពូ អន់ ប៉ាក់ សាណាញ់ ម៉ោញ និះទៅ ដេល"។ ហះកា អាញ់ ចឹង រ៉ះ ប៉ាឡាក់ កា អន់ដីស ណាវ្គ ផា ជែ តូ លូ ប៉ាណូស ខូយ ប៉ាអ្យប់ ផា ពូ តាប៉ះ គៀងតោរ អន់ដីស គែង សាម៉ា ត្រគ់ ង៉ិ អន់ ពូ តាប៉ះ ម៉ោញ ប៊ែង ណាវ្គ ពិ។

ផា ម៉ាត់ អន់ដីស គែង សាម៉ា ប៉ាណាំ ប៉្រគ័ យច ត្រគ់ ខ្វិក ឡាច់ វ៉ឹត អ្លាត ប៉ាគ់ ចាំងហាយ្គ។ ផា អន់ដីស អូ ទី ម៉ាត់ ម៉ោញ ប៊ែង អា ដាគ់ លឺន ឡឹង ប៉្រគ័ អន់ កា ឡាកោ អន់ដីស ឡិ ពឹង ចារ អុញ។ ផា តី អន់ដីស គែង សាម៉ា ប៉ាណាំ ប៉្រគ័ យច ត្រគ់ កាសិត វ៉ឹត អ្លាត ប៉ាគ់ ចាំងហាយ្គ ពិ។ ផា អន់ដីស អូ ទី តី ម៉ោញ ប៊ែង អា ដាគ់ លឺន ឡឹង ប៉្រគ័ អន់ កា ឡាកោ អន់ដីស ឡិ ពឹង ចារ អុញ។