Популярні біблійні вірші з Génesis 27

Поділитись

Qam täkunqaykiman Dios Yaya tamyaykatsimutsun. Qoriytapis mana puëdinqaykiyaq murukunqaykipis wayuykullätsun. Trïguykipis vïnuykipis maytsika kaykullätsun. Qamtaqa atska runakunam serviyäshunki. Tsaynölla llapan nación runakunapis puntaykiman qonqurikuyätsun. Aylluykikunapis mandäduykichö kayätsun. Paykunapis puntaykiman qonqurikuyätsun. Pipis maldicionäshuqnikiqa maldicionashqam kanqa. Bendisishuqnikim sïqa bendisishqa kanqa>>.

Tsaymi Esaú nirqan: <<Tsaynö kananpaqchi Jacob shutin kananpaq churarqayki. Kananwanqa ishkay kutinam engañamashqa. Puntatanam mayor kay derëchüta qechumashqa. Kananpis noqapaq kaq bendiciontam chaskishqa. ¿Manaku wallkallapis bendición quëdashqa noqaman churaykallämunaykipaq?>>

Tsaymi Esaúta Isaac nirqan: <<Mikuy mana wayunqan chakrachö y tamya mana tamyanqanchömi täkunki. Espädaykiwan defendikurmi kawanki. Wawqikipa mandädunchömi kanki. Tsaynö kaykarpis mas poderyuq tikrarmi mandädunpita yarqukunki>>.

Esaúnam yapay nirqan: <<¿Taytay, manaku jukllayllatapis bendicionta churaykamunkiman? Noqamanpis bendicionnikita churaykallämuy>>. Tsaynö nirmi taytanta alläpa waqaparqan.