Популярні біблійні вірші з OBUCHACHILO 2

Поділитись

Khulweshio, omusaatsa alalekhanga samwana nende nyina, mana bahambaana nomukhasiwe, nibaba omubili mulala.

Kho OMWAMI Nyasaye naboola ari, “Shibuli obulayi mbu omundu abe yenyene tawe. Nditsa okhumukaasili omukhoonyi oumukhoyele.”

Mana OMWAMI Nyasaye nalonga omundu okhurula khwiloba, ne naheelela mumooluke omuya kwobulamu. Mana omundu oyo naba eshilonje eshili mwoyo.

Mana omusaatsa oyo naboola ari, “Uno bulaano ni likumba liokhumakumba komubili kwanje, khandi ni inyama yokhunyama yokhumubili kwanje. Alalangwa mbu, omukhasi, okhuba arusibwe khumundu.”

Kho Nyasaye nahelesia inyanga yomusafu ikhabi, ne nachikhola okhuba indakatifu, shichila khunyanga eyo, Nyasaye yahuluukha okhurula khumilimochie chiosi echia yali nakholile mubulonji bwebindu.

Omusaatsa oyo nomukhasiwe boosi bali eshiehechenye, nebutswa shibalolakhwo tsisoni okhuba eshiechenye tawe.