Популярні біблійні вірші з GÉNESIS 12

Поділитись

Chaipimi cambaj miraimandaca, shuj jatun llactata rurasha. Candaca bendiciashpami, cambaj shutitapash jatunyachisha. Canmandami bendiciai tucunajunga. Canda bendiciajcunataca, bendiciashami. Canda ima llaquipash japishpaca alichari canman nijcunataca, paicunatapashmi llaquichisha. Canmandami, cai pachapi causanajuj tucuilla familiacunaca bendiciai tucunga” nircami.

Ashtahuangarin Mandaj Diosca, Abramdaca cashnami nishca carca: “Cambaj llactamanda, cambaj familia puramanda, cambaj taitapaj huasi ucu puramandapash llujshishpa, ñuca ricuchina llactaman rilla.

Shina nijpimi Abramga, Mandaj Dios imashna nishcashnallata, Harán shuti pueblomanda llujshishpa rirca. Lotpashmi, paihuan rirca. Harán pueblomanda llujshishpa rijushpaca, canchis chunga picha huatatami, Abramga charirca.

Mandaj Diosca, Abramman ricurishpami: “Cambaj miraicunamanmi, cai llactataca carasha” nirca. Chaipimi, paiman ricurishca Mandaj Diosman shuj altarta rurarca.