Популярні біблійні вірші з GÉNESIS 6

Поділитись

Mandaj Diosca runata rurashpa cai pachapi churashcamantaca, shungu nanarishpami llaquirirca.

Cai pachapi causajcunapaj ruraicunaca yallitaj millai cashcatami Mandaj Diosca ricurca. Paicunapaj shungupica yallitaj millaita ruracunalla yuyaihuan jundami carca.

Shina cajpipish Mandaj Diospaj ñahuipica, Noellami allita ruraj cashca ricurirca.

Noepaj huahua huahua callari yayacunaca caicunami: Noé causai punllacunapica, Noellami cashcata ruraj, ima juchachina illajlla carca. Noeca Taita Dioshuanmi purirca.

Chaimi Mandaj Diosca: “Cai pachapi causachun rurashpa churashcacunataca gentecunatapish, animalcunatapish, llucaj animalcunatapish, huairata purij alasyuj animalcunatapish tucuita chingachisha. Paicunataca mana ruranatami rurashcani” nishpa yallitaj llaquirirca.

Tucui cai pachapi gentecuna achcata mirari callarishpaca ushushicunatapishmi charircacuna. Taita Diospaj churicunaca chaicunapaj ushushicunaca sumaj cajta ricushpami tucuimanta yalli sumaj cajcunata agllashpa paicunapaj huarmi cachun japirca. Chaimi Mandaj Diosca: “Ñuca espirituhuan causashpa huiñaipaj millaita ruracuchunllaca mana saquigrinichu. Paicunaca huañujlla aichayujmi. Chaimanta cunanmantaca, 120 huatayujcamallami causangacuna” nirca. Taita Diospaj churicuna runacunapaj ushushicunahuan chayarinacujpi chai huachashca huahuacunami, chai punllacunapipish, q'uipa punllacunapipish yallitaj jatun c'ari c'ari runacuna tiyarca. Paicunaca alli macanacuj millai runacunami carca.

Noeca, chashnatajmi rurarca. Taita Dios mandashca shinami tucuita rurarca.

Chaimi Taita Diosca Noetaca: “Cai pachapi causajcuna yallitaj millaita rurana yuyailla millaita rurajpi, cai pachaca yallitaj millanana cashcamanta cai pachapi causaiyuj tucuicunandij, cai pachandijmi chingachinata yuyarircani.

Cunanca canca gofer caspicunahuan jatun huambuj huasita ch'ican ch'ican ucucunayujta rurangui. Chai huasiman yacu ama yaicuchunca jahuatapish, ucutapish breahuan tucuita llihuingui.

Taita Diosca cai pachata ricushpaca, cai pachaca yallitaj millanana cashcatami ricurca. Cai pachapi causajcuna tucuicuna paicunapaj quiquin ñanta purishpa yallitaj millanana tucushcamantami chashna carca.

Cai pachapi causaj tucui animalcunamantaca, chaipurallataj caj shuj c'arita shuj huarmita ishqui ishquita jatun huambuj huasiman yaicuchingui. Chaipi cashpami cancunapish, paicunapish mana huañunguichij.