Популярні біблійні вірші з Jọn 6

Поділитись

Jesu da ta kẹ ayen, Mẹvwẹ hẹ ikara rẹ arhọ na; ohwo ro bru uvwe rhe owẹvwe gbi hwe-e, ohwo ro se vwe gbuyota urhuru rẹ ame gbi hwe bẹdẹ-ẹ.

Erhi na re kẹ arhọ, uvwo fi erere ọvuọvoo; eta na re me ta kẹ ovwan na eye hẹ erhi kugbe arhọ.

Ovwan wian owian fiki rẹ emuọre rọ ghwọrọ-ọ; ẹkẹvuọvo fiki rẹ emuọre rọ tọn re te arhọ ri bẹdẹ, rẹ Ọmọ rẹ ohwo cha vwọ kẹ ovwan; kidie enu rọye ọye Ọghẹnẹ Ọsẹ na ka oka rọye phihọ.

Kidie ọnana hẹ ọhọre rẹ Ọsẹ mẹ na, nẹ ohwo kohwo rọ mrẹ Ọmọ na nu ro de segbuyota ko vwo arhọ ri bẹdẹ; ke me kparọ vrẹn vwẹ ẹdẹ rẹ oba na.

Jesu da kpahe kẹ ayen, Ọnana hẹ iruo rẹ Ọghẹnẹ, rere we vwo se ọ ro ji vwe rhe na gbuyota.

E rẹ Ọsẹ mẹ vwọ kẹ vwẹ ejobi che bru uvwe rhe, ọ ro bru uvwe rhe nu me sa djẹ kufia-a.

Saimọn Pita da kpahe kẹ, Ọrovwohwo, kono mi bru ra? Wẹ ri vwo eta rẹ arhọ ri bẹdẹ na

Mẹvwẹ hẹ Ikara ro je ghwo na ro nẹ obo odjuvwu rhe na; ohwo da re ikara nana nu, kọ rhọ bẹdẹ; ikara na re me cha kẹ fiki rẹ arhọ rẹ akpọ na ọye hẹ uvwo rẹ oma mẹ.

Ohwo ọvuọvo se bru uvwe rhe-e jokpa nẹ Ọsẹ na ro ji vwe na siro toma; ke me kparọ vrẹn vwẹ ẹdẹ rẹ oba na.

Kidie ikara rẹ Ọghẹnẹ na hẹ ohwo rọ nẹ obo odjuvwu rhe, ọ da vwẹ arhọ kẹ akpọ na.

Mẹvwẹ hẹ ikara rẹ arhọ na.

Jesu da reyọ ikara na, rọ vwọ kpẹvwẹ nu, ọ da gharọ kẹ ayen otu ri tidia na; ọtiọye je hẹ eri na, kirobo rẹ ayen guọnọre. Ọke rẹ ayen vwọ re evun vọn nu, ọ da ta kẹ idibọ roye, Ghwẹ ivwuvwu ri chekọ na koko, e jẹn emu ọvuọvo ghwrẹ-ẹ.

Ọke rẹ ayen vwo bi kerẹ emu rẹ uroko erha eyẹ ẹne re, ayen da mrẹ Jesu rọ yan vwẹ enu rẹ abadi ko siẹ kẹrẹ okọ na. Ayen de guegue, ẹkẹvuọvo ọ da ta kẹ ayen, Mẹvwẹ; wa djẹ oshọ-ọ.