Популярні біблійні вірші з Jọn 4

Поділитись

Ọghẹnẹ hẹ erhi, otu re ga me ga vwẹ erhi vẹ uyota.

Ẹkẹvuọvo ọke cha, ọ rhe nure, rẹ ọ gegagọ rẹ uyota na da gọ Ọsẹ na vwẹ erhi vẹ uyota, kidie ọtiọye Ọsẹ na guọnọre nẹ a ga ọye.

ẹkẹvuọvo kohwo kohwo rọ da ame re me cha vwọ kẹ na urhuru rẹ ame gbi che hwe ọfa-a; ame re me cha vwọ kẹ na ko che hirhe phihọ ogbugbu rẹ ame ro duvwẹ cha re te arhọ ro vwo oba-a.

Jesu da kpahe kẹ, Ọ da dianẹ wo riẹn ẹse rẹ Ọghẹnẹ, wo de rhe vughe ohwo rọ ta ota kẹ wẹ nẹ, Kẹ vwẹ ame da na, ku wa rhoma nọ ekpẹn rẹ ame rẹ arhọ, ka vwọ kẹ wẹ.

Jesu da ta kẹ ayen, Emu mẹ vwenẹ hẹ eruo rẹ ọhọre rẹ ọ ro ji vwe rhe, re mi vwo ru iruo rọye re.

Aye na da ta kẹ, Ọga, wo vwo emu wo vwo vo-o, yẹ orhare na okokodo; ki tivọ wo de vwo ame rẹ arhọ yena?

Aye na da ta kẹ, Me riẹnre nẹ Mesaya cha (ọ re se Kristi); ọke rọ da rhe, ko dje emu na ejobi kẹ avwanre. Jesu da ta kẹ, mẹvwẹ ro ta ota kẹ wẹ na mẹvwẹ hẹ ọye.

Yanrhe, wa rhe mrẹ ohwo rọ ta obo ri mi ruru ejobi rhabae kẹ vwẹ. Ọna sa dia Kristi vwẹ etiyin na?