Популярні біблійні вірші з Joanes 15

Поділитись

Ek ohui vaine ainyak, eka ran aijaua: aien et amen ehelek aien, um amen ehelen ainyak, et ohou aien um ahinag nohoan; el ek eti amen ehelemia ainyak, inyi ehka vai caua nagovaig tah nitai.

Akumu amen ehelek aijaua, ekpu lep amen ehelemia ainyak. Et ehka vai ran nohouvaig, et wat eti amen irai ohui vaine; et um ucco vai caua, el eka eti amen ehelek aijaua.

El eka amen ehelek aijaua, um lep amen ehlemia niji tas unyak, aku wit ugni nitai iji eigki aijaua, eka merit vaig aijaua, uhpu alupai caua.

Akis eti ahilek nyak aijaua, ja kis ahilek caua ainyak, um ati caua, mika aki ohou aijaua, yi amen lau nohoamia: va etpu alupai caua nitai iji eigki a Etmak eka ugni yin vaig aijaua an nidak.

Et eti esjilid naiheuc o un tah natimi iran neigki, mika yi mas tah natimi vai ilpu etoan.

Et atipagki inran asega aien et amen ehelek, jam eti ohou: et lep ahped ran asega aien et ohou, mika yi ahinag nohoan.

Intas alep unyak ineigki, mika yi aiyu jipe inliinmopomia aijaua vai caua, et idivaig naiyu u inliinmopok vai caua.

Aku wit ohou aijaua um ahinag nohoamia, uhpu imyiahpas Etmak; akupu lep ilpu atimi atahaijeg nyak aijaua.

EK ohui vaine inivaijec ainyak, et atimi aminjinaig vaine a Etmak.

El et eti amen ehelek tah natimi, uhpu ethaig pan itac yin et idivaig inran, etpu mese; era asjapicnaig natimi, um atijai an cop, um atnamud.

Ek mun asuptecnaig nitai iji eigki imi caua ainyak, mika yi amen ehelemia nimyiacitak unyak, um lep esjilid nimyiacitak unyimia.

El eka imyiaiji niji tas alep unyak aijaua, etpu amen naiyu u inliinmopok ainyak vai caua; et idivaig kis imyiaiji niji tas alep o Etmak ainyak, et lep amen naiyu u inliinmopon aien vai nyak.

Ek tas alep ehelemia ainyak irai itai iji eigki, mika yi aiyu jipe inliinmopomia aijaua vai caua.

El eka atimi an nobohtan aijaua, el et aiyu inliinmopoi atimi an nobohtan vai caua atimi ura: ja eka eti atimi an nobohtan aijaua, kis ehtai caua ira atimi an nobohtan ainyak, va nitai ineigki, era amcel vai caua natimi an nobohtan.