Популярні біблійні вірші з JENESIS 6

Поділитись

Go Yehovah e midoakipiri naga e mari naatam̃oli doko maramana, go nap̃op̃ona e dogokitesa asa.

Go Yehovah e punusi naga nasigisigileoana ki naatam̃oli e p̃arua maramana, go naga sara naleo ni namidodoaana ni nap̃op̃oda eu sa mau sa sara naaleatia.

Ma Noah e pap̃ai nasaup̃iaana namata maga ni Yehovah.

Tea maga waia eu pei navakilinaana maga ni Noah. Noah e pei naatam̃oli leana, tea wia lua tagona aneana maga: Noah e surata sikoti Sup̃e.

Go Yehovah e noa, Aga wo kasi lua naatam̃oli maga waina a dawona ki da, m̃elu dua ki narae ni natano; naatam̃oli maga, go nalo tuavati maga, go tea kakaravi maga, go manu maga ni namalopa; nalakena a midoakipiri naga a mari ra.

Go e pakilina, ragi waina naatam̃oli eu atulake nalaapaana narae ni natano, go natuda nagoroi maga eu madeada pakilina, Naga Sup̃e natuna naanoai maga eu punusi naatam̃oli natuda nagoroi maga naga eu pei raewia; go eu piragi nagoroi maga kaka ni tea mamau puti waina eu matadoa ra. Go Yehovah e noa, Naatagu ega wo da pululu ki naatam̃oli pa pa ega tu du po du mau du mau, nalakena nae ma e pei nap̃okasi: ma naaleatia aneana maga euga wo pei natau p̃onotia sikai rualima takuna dua. Go pule maga eu doko maramana naaleatia maga wanogoe, go ragi edaku, ragi waina Sup̃e natuna naanoai maga eu rumai punusi naatam̃oli natuda nagoroi maga, go eu madeada dape natuda maga: nara eu pei tea marimatua maga waina eu doko tuai, naatam̃oli maga ni narogoana.

Noah e mari dapala nogoe; e mari pataka ni tea mamau puti waina Sup̃e e dip̃aki nia asa.

Go Sup̃e e noa ki Noah, e naga, Nanopuana ni sara nap̃okasi e po umai paki naraegu; nalakena maramana e pura ki namaripavakotoana nalakena nara; go p̃a leo, aga wo mari sa ki da, nara ma maramana.

P̃a manigo mari areka sikai ni nakau kofer; p̃a mari em̃ago maga areka, go p̃a vuluti a ekopu go katama ki napulu.

Go Sup̃e e punusi maramana, go p̃a leo, e p̃oa; nalakena sara nap̃okasi eu mari sa ki napua adeada maramana.

Go sara nalo mauri ni sara nap̃okasi, p̃a viragi tea ruarua kakada paki ekopu ni areka, naga p̃a mauti ra euga mauri sikoti ko; euga vei tea anoai go tea goroi.