Популярні біблійні вірші з Ịjọọnụ 16

Поділитись

Maa kà ịsa ẹnẹnịị wụ nịnị, agụvị dị ẹmịrị ẹwụ nịnị ọ̀ zụ vị ọnya, dị ụ wa nyị ẹngwọọrọ nịnị. Ụ vaa rị ụya nịnị ẹtẹẹtẹrẹ ịnị ẹhẹ, ama ngwara eyi hi nịnị, agụvị ka ma sị ẹbẹẹba ẹhẹ nyị!”

Ama ịhị Ụhwẹ Ọnịnị anaā sịị ịzẹyịzaa zụ̀, ọ̀ọ vẹ, ọ vaa mẹ ka wa yẹ avaba ịzẹyịza nịnị. Ọ yị vaa dà ẹ́ẹngụ anịị kà; ịrẹyị ọnọ ọ̀ọ wụ́ kẹnẹ, ọ vaa kà nị. Ọ rẹ vaa sịị zụ̀ wụ nịnị ịsa ana aa vẹ ụhwọọ.

Pooro ve tù ọyaanị, ẹ̀ yị nyị ịsị u họ̀ use ịnị ịrẹha amị nịnị da. Huse ịsa nịnị, u vee ree dọ nịnị! Ọnọọ ọ vaa mẹ ka ịrajẹ awụ nịnị ọ̀ zụ gụ nị.”

Ama dị ma kà ịzẹyịza wụ nịnị ka màa na, ọ dahi yị wụ nịnị hu nị. Mẹ̀ yị na, Ohunẹnọzayị ọnọọ ọ yị vaa vẹ ịdị awụ nịnị. Màa zị na, dị mị tụ́ ọọ ve tù wu nịnị. Ịjị Ohunẹnọzayị ọnọọ ọ̀ọ vẹ, ọ vaa sị zụ̀ anẹhẹ ka ệ rị ịvị, dị ọ rẹ mẹ ka ẹ̀ yẹ ịrẹyịzẹyịza beri ọkarẹyị Ohomorihi.

Ayị awụ nịnị o si du booro aanị, ama mị vanaa vẹ vee hee wu nịnị; ịjọnọọ ayị awụ nịnị vee hine ẹtẹẹtẹrẹ. Ẹ yị nyị ọza ana va zụụ dọ wụ nịnị ẹngụ ayohine ọnọọ. “Ịhị ẹkụhị ọnọọ òo si tù, wẹ yị vaa họ̀ mị use ịsọnyị-ịsọnyị nịnị. Ịzẹyịza m maa kà a wụ nị, ịsa tụra ịsa ọnị ụ wàa họ̀ Ada amị use ịnị ịrẹha amị nịnị, ọ vaa sịị yị wụ nịnị.

Ịzẹyịza m maa kà a wụ nịnị nị, u vee nowu, di u wee sụ ùnè nịnị, ama dị anẹhẹ ẹnị aa jẹ. Ayị awụ nịnị vee du, ama ayodu awụ nịnị vaa vara ayohine.