Популярні біблійні вірші з IOANE 4

Поділитись

A te Atua ko te Agaga eiloa, ko tino kola e tapuaki ki a ia, e 'tau o tapuaki i te agaga mo te fakamaoni.”

Ko oko nei ki te taimi, ka ko oko foki eiloa ki ei. Tela la, ko latou kola e tapuaki fakamaoni, ka tapuaki ki te Tamana i te agaga mo te fakamaoni. Ko vaega tino penei e manako ki ei te Atua ke tapuaki atu ki a ia.

ka ko te tino e inu ki te vai tela ka tuku atu ne au ki a ia, e se toe fia inu eiloa. I te mea, a te vai tela ka tuku atu ne au ki a ia, ka fai mo punavai i a ia, kae ka puna ake ki te ola se gata mai.”

Ne tali atu a Iesu ki a ia penei: “Moi iloa ne koe te meaalofa a te Atua, mo ia foki tenei e fai atu ki a koe, ‘Aumai ke inu au,’ penei ko fai mai koe ki a ia, kae ka tuku atu ne ia ki a koe te vaiola.”

Ne fai atu a Iesu ki a latou, “A taku meakai, ko te fai ne au a te loto o ia tela ne uga mai ne ia au, kae o fakapalele foki a te galuega ne tuku mai ne ia ki a au ke fai.

Ne fai mai te fafine ki a ia, “Tou 'malu, e seai sau 'soni, ka ko te vaikeli e to 'poko; e maua la ne koe mai i fea a te vaiola?

Ne fai mai ki a ia te fafine, “E iloa ne au i te Mesia e vau, tela e igoa ki te Keliso. Kafai e oko mai, ka taku mai ne ia a mea katoa ki a matou.” Ne fai atu a Iesu ki a ia, “A te tino tela e faipati koe ki ei, ko au tena.”

“O'mai ake o onoono ki te tagata tela ne taku mai ne ia ki a au a mea katoa kola ne fai ne au. E se ko ia tenei ko te Keliso?”