Популярні біблійні вірші з Lucas 7

Поділитись

Chayraykum niki, achka-achka huchankunam pampachasqa, chayraykum payqa llumpayta kuyawan. Pipas pisilla huchanmanta pampachasqam ichaqa pisillatataq kuyakunpas, nispa. Chaynata niruspanmi warmitañataq nirqa: Huchaykikunaqa pampachasqañam, nispan.

Jesusñataqmi warmita nirqa: Iñiynikim salvarusunki, kunanqa hawkañayá pasakuy, nispan.

Hinaspanmi waqaspan Jesuspa qepanpi qonqorakuykuspan chakinkunata weqenwan mayllaspan chukchanwanñataq chakichirqa, hinaspam muchaykuspan perfumeta talliykurqa.

Chayraykum maskaqnikipas mana kikiychu hamurqani, rimariykuptillaykim serviqniyqa sanoyarunqa. Ñoqapas kamachiwaqniykunatam kasukuni, soldadoykunapas kamachiptiyqa kasuwankum. Sichum hukninta “riy” niptiyqa rinmi, huknintapas “hamuy” niptiyqa hamuntaqmi. Serviqniyta imatapas ruwananpaq kamachiptiyqa ruwanmi, nispa. Chayna nisqanwan admirakuspanmi qatiqninkunata qawarispan Jesús nirqa: Israelpipunipas manam kayna iñiyniyuq runataqa tarirqanichu, nispa.

Jesusñataqmi chay ratollapi achka runakunata tukuy rikchaq onqoyninkumanta, nanayninkumanta, mana allin espiritupa ñakarichisqanmanta sanoyachirqa, chaynataqmi ñawsakunatapas qawirichirqa. Hinaspanmi Juanpa kachamusqankunata nirqa: Kutispa qawasqaykichiktawan uyarisqaykichikta Juanman willamuychik. Ñawsakunam qawakuchkanña, suchukunam purichkanña, leprawan onqoqkunam sanoyachkanña, mana uyarikuqkunam uyarikuchkanña, wañusqakunam kawsariramunña, wakchakunapas evangeliotam uyarichkankuña, nispaykichik.