Популярні біблійні вірші з Sơnròp Gơlik Gơs 6

Поділитись

Gen Yàng Jehôwa tòmgơl nùs Kơnràñ neh crơng gơs kòn mơnus hơđang ù mơ moat jrùng tòm nùs.

Yàng Jehôwa gŏ bơta iơh bơsak kòn mơnus dê tòm ù la oă ngan, mơ ală bơta kơlôi sơnơng tòm nùs cau dê mìng la iơh sùm lơm.

Mơya Nôe geh bơta nđàc di đap Yàng Jehôwa.

Do la jơi bơtiàn Nôe dê. Nôe tòm rài khai la dô nă cau song ring mơ wil tơl ngan, mơ khai lòt bal mơ Yàng Tom Trồ.

Yàng Jehôwa đơs lah: “Añ rơp tơnroh bơh di ù kòn mơnus mơ Añ neh crơng gơs tus dê phan poan jơng, phan wìn nsròng, sềm hơđang trồ bơh Añ tòmgơl nùs neh crơng gơs ală jơi hơ̆.”

Tòm tŭ kòn mơnus neh bơtơl oă hơđang ù mơ kòn mơnus neh tơnggơs oă kòn ùr, ală kòn klau Yàng Tom Trồ dê gŏ kòn ùr kòn mơnus dê la hàng mơnĕ gen bau mơ cau lơi di nùs bol khai. Yàng Jehôwa đơs lah: “Hwềng Añ rơp ò ơm sùm tòm kòn mơnus, bơh kòn mơnus la poac să lơm, rài kòn mơnus rơp la dô rhiang bàr jơt nam dang.” Rài hơ̆ mơ rài tơnơ̆, gơs cau dờng jơnhoa hơđang ù tài bơh kòn klau Yàng Tom Trồ dê ơm bal mơ kòn ùr kòn mơnus mơ deh kòn; hơ̆ la ală cau pràn kơldang tòm rài yau, cau gơs tiơng pơnro.

Nôe lơh ală broă do be jơnau Yàng Tom Trồ neh sồr.

Gen Yàng Tom Trồ đơs mơ Nôe lah: “Bơta lồi dut jơh poac să dê neh tus di đap Añ, tài bơh kòn mơnus lơh ù tiah bềng lìu bơta jàñ bơsak, behơ̆ Añ rơp tơnroh bol khai bal mơ ù sơl.

Mê lơh tĕ dô nơm ơhò mơ chi gôphe, lơh gơs ală ơdŭ, gen lềr mơ cài tòm dơlam mơ đah bơdìh.

Mơ Yàng Tom Trồ sền lơgar dunnia, gŏ bơta ngkòr ngkàc tài bơh jơh ală poac să lơh ngkòr ngkàc gùng he tòm ù.

Mơ ală phan kis, mê rơp lam gơ mut tòm ơhò kòp jơi dô yô, gơs dam gơs me nàng ơm bal mơ mê tồ mê in sền gàr bơta kis gơ dê.