Популярні біблійні вірші з Mark 11

Поділитись

Ekoni wetci ititakok: Mekwata e aiamihaiekw, kekociciriw e nataweritamawekw Kice Manito, tapwetamokw kitci pe otitikoiekw. Tapwe ki ka mirikowinawaw.

Kecpin awik itate aniheriw matinaciciriw, ‘Atcitica nta, pakope kwackoti nta nipik,’ kecpin aka e anwetak otehik, e tapwetak tca aniheriw ka ki itetc kitci isparinik, tapwe kata ispariniw, wir otci.

Kaie mekwata e nanipowiekw e aiamihaiekw, kecpin tca wiec e iterimekw awik e ki matci totatakw, ki ka ponerimawaw, kitci ki kaie wir kasihamatakw Kotawiwaw wakwek ka taciketc. [

Aci itew Cecoc anahweriw owitcewakana: “Tapwe ohwe ka witamatakok: Asperimototowakw Kice Manito!

Minawatc ki kiskinohamawew, e itatc: “Itemakan Kice Manito Omasinahikanik: ‘Kata icinikatcikatew nimikiwam aiamihe mikiwam kaskina iriniwok otci.’ Aric kirawaw ki ki ocitanawaw mia kimotiwikiwam kitci irapatak.”

Aniki ka nikanickowatcik Cecoca neta meskanak kaie kotakihik ka nosanehwatcik tepitepwewok, e aitetcik: “Mirwatcimatan Kice Manito! Caweritakosiw anahwe ka pe iciticohikotc Teperitcikeritci!

Kitci caweritak Kice Manito aniheriw Okimawiniw ka otcitciparinik, kitaniskotape kimocominapan Tapit aniheriw okimawin! Icperitakosiw Kice Manito, icpimik ka tatc!”