Популярні біблійні вірші з Luc 17

Поділитись

Minawatc itew anihi iriniwa: “Pasiko! Ekoni ici matca! Kit akwacimikowin osam e asperimototawiin.”

Kecpin nicowasowaw peikwo kickwa e matci totask, tatwaw tca e pe natawapamisk e itisk: ‘Ni cikeriten e ki matci totatan,’ ki ka ponerimaw.”

Peikw nta e tacitcik ka wapatak e kiketc, pe kiwe natawapamew Cecoca nte e tacikerispana, e micta mirwatcimatc Kice Manitowa e kiciwetc. Pe nipiskoctawew Cecoca, e onicikweparitc askik, e naskomatc. Samarie askik otcikopan anahwe iriniw.

Aiekwamisikw tca!” “Kecpin kiwitcican e matci totak, wewerita arimotamo. Kecpin tca e mitatak aniheriw ka ki totak, ponerimi.

Aci itew Cecoc aniheriw ka witcewikospan: “Kaskina e mitatcitcik ki kikehakaniwiwok, taina? Tante aniki kotakihik cakitato iriniwok?

Aci itew Teperitciketc: “Kecpin ni irikokwake kitapwetamowiniwaw mitowi kitikanicic e irikokwak rimotat ka icinikatek ka micta apicacik, ki ka ki itawaw anaha mictikw: ‘Atcicka nta, nipik tca nete nanipowi!’ ki ta sapitakowaw.”

Anahwe ke natowi totak kitci kanaweritak opimatisiwin ota askik, kata onitaw. Aric anahwe ke onitatc opimatisiwin, kata kanaweritam.

Itew Cecoc owitcewakana: “Mocak kata takoniw iriniwok ke paskewirikotcik ota askik kitci pactatitcik. Aric anahwe ke paskewiratc owitc iriniwa kitci pactatiritci, kata nakickam kitci arimiparitc. Kirawe kata miroparinipan wir otci, anahwe ka paskewiriwetc, kitci takopitakaniwiritci okwak asiniwa mia e irikwapiskisiritci, e pakopepinakaniwitc kitcikamik, patok kitci cikimatc peikw nta e taciritci ka apiciciritci kitci pactatiritci.

“Anihe weckatc ka ki pe iciwepanik mekwata Noé ka pe pimatisikopanen, ekoni peikon ke iciwepanik pe takocike anahwe Ka ki pe iriniwihitisotc . Ani apitc mitcisowakopan iriniwok kirika minikwewakopan. Nipowiwakopan kirika nipowihawasowakopan, nac aniheriw e kicikarik Noé ka positcimetc. Minawatc ki riskipoteriw askiriw e ki micta kimiwonik. Kaskina aniki kotakihik iriniwok ki kwapawewok.”