Популярні біблійні вірші з Jean 4

Поділитись

Manitowiw Kice Manito. Aniki tca ka kicterimatcik acteriw kitci kicterimatcik e tiperimikotcik Omanitomiriw acitc tapwewinik itekera.”

Aci aric kekatc kata otcitciparin, aci kaie ickwa pe takociparin: iriniwok tapwe ka kicterimatcik Kotawinowa e nipiskoctawatcik, Omanitomiriw acitc otapwewiniw kata tiperimikowok. Enko aniki towihik ka natawerimikotcik Kotawinowa kitci kicterimatcik.

Anahwe aric ke minikwetc nipiriw nin ke mirak, nama wiskat awocamec kata pakatamo. Aniheriw meka nipiriw nin ke mirak mia nipi ka moskitciwok kata ispariniw opimatisiwinik, kakike pimatisiwin mocak kitci ki otci pimitciwok.”

Ki itew Cecoc: “Kecpin ki kiskeritaman e ici miriwetc Kice Manito, kaie kecpin ki kiskerimatc awin anahwe ka nataweritamask nipiriw e wi minikwetc, ki ta nataweritamawaw nipiriw. Ki ta tca mirikw nipiriw ka pimatisihiwemakanik.”

Aci itew Cecoc: “Enko ohwe nimitcimim, kitci itotiskewak otiteritamowin anahwe ka ki pe iciticohwitc, kitci kictawak aniheriw otamirowiniw ka ki miritc kitci itotiskewak.

Itew anahwe iskwew: “Okimaw, nama takon ke ki natopewakein, kirika kickaiaw ohwe otahipan. Tan ke ki totaman kir kitci ki otinaman anihe nipi ka pimatisihiwemakak?

Itew anahwe iskwew: “Ni kiskeriten kitci takocik anahwe ka ki iteritci Kice Manitowa kitci pe iciticohikotc kitci akwacimiwetc, Krist ka icinikatakaniwitc. Takocike tca wir, kaskina kekwariw ki ka witamakono.” Aci itiko Cecoca: “Nin meka, ni anahwe mekwata ka aimihitan.”

“Petcimotekw. Pe natawapamakw nete iriniw ka ki witamawitc kaskina ka ki aitotamwak. Enko na pot anihi ka ki itespan Kice Manito kitci pe iciticohwatc ota askik kitci akwacimiweritci?”