Популярні біблійні вірші з Jean 19

Поділитись

Ka ickwa minikwetc Cecoc, ki itew: “Aci kaskina ickwaparin.” Ekoni ka atcitaskweparitc e nipotc.

Ka ickwa itetc aniheriw Cecoc, aci kiskeritam kaskina e ickwaparinik. Mamitcitc ohweriw itew: “Ni pakatamon,” kiapatc kitci ki iciwepanik aniheriw ka ki masinaterik Kice Manito Omasinahikanik.

Cecoc ki wapamew okawiwa, kirika pecotcik e witcikapowictakoritci anihi owitcewakana ka sakihatc. Aci itew anihi okawiwa: “Nikawi, enko ohwa kikosis.” Minawatc itew anihi owitcewakana: “Enko ohwe kikawi.” Kotc ka ickwa itatc anihi owitcewakana, mocak ki kanawerimeriw omikiwamirik Cecoc okawiriw.

E iti otitickwatcik neta Cecoca otcipaiatikomirik, wapamewok aci e niporitci. Ekoni wetci aka ki otci natwakatehatcik. Aric peikw cimakanic ki pataskahwew opimera, ospakarik itekera, ocimakan e apatcitatc. Tecikotc orowi acokowiniw omikoriw acitc nipiriw.

Tapwe kaskina ohwe ki iciwepan kitci ki otcitciparik anihe ka masinatek Kice Manito Omasinahikanik: “Nama otci peikw kata pikotakaniwoniw oskan.” Ohwe kiapatc masinatew: “Kata kanawapamewok anihi ka ki pataskohwatcik.”

Wir tipirawe ki pimitinikamew otcipaiatikoma e orowitc otenak, nete tca e icatc Octikwanikekan Matinacic ka icinikaterik. — Golgotha icinikateriw hébreu e ici arimwaniwonik.

Cimakanicak ki apikatamok minesikaciriw, Cecoca octikwanirik e ki actawatcik. Kapotowaniw e mikwekicinik ki piskamotarewok.