Популярні біблійні вірші з Khuurakikha 8

Поділитись

Aryo Umukasya waawunyila isilikakha iwunya buulayi, kila mu mwoyo kweewe aloma ari, “Siindilayo luundi khuuwa shibala shitaambiso, abe yakhaba nga bibyambaaso bye mu myoyo kye babaandu bili biibi khukhwaama mu bwaana. Siindilayo luundi khuuhesa biilamu bye khu shibala byoosi, nga ninakholile khu muluundi kuno ta.” Nga shibala ni shikane shibe nga shishiiliwo, kane ibatsakewo imbuka iye khuubyaala ni khuukyesa, imbuka iye buunyifu ni iye buukhafu, iye shiimiyu ni iye buunyifu, kumuusi ni shiilo sibilyakama ta.

Lwanyuma Nowa woombekha shisheeso khweesi aaba atsya khuwaanilakho tsisaayilo isi Umukasya. Waakyelawo waaloondamo bisolo biimiliwu bya buli saambo, ni binywiinywi nabyo biryo, waabiwaanayo nga tsisaayilo tsintsoshe khu sheeso khweene.

Wele waaba nga waakhwibilila Nowa ni tsisolo tsoosi tse mwirome, atweela ni bibyaayo bibyaba ni naye mu likhoŋolo ta. Aryo kila asiindikha imbewo khuuwuutsa, kameetsi kaarakikha khukhwikhilila aasi.

Kumuluundi kuno lyakobola tsinyaanga tse angoloobe, nga lyaasutile lisaafu lye kuusaala ku olivu khu munwa kwalyo. Lweesho Nowa waashimanya ari kameetsi kaweeleele ilala khu shibala.