Популярні біблійні вірші з Mark 9

Поділитись

Yěsû a shwəŋə̀ ambo ze lo, “Wə̀ shwəŋə̀ ambo mɨ̀ŋə̀ lo, ‘Mbə̀ʼə m̀bə ghɨ̀rə̀!’ Mbə̀ʼə ànwùə̀ àtse a tsàarə̀ e a ŋònə̀ nɨ à nùŋə̀nə ntɨŋmə̀ aŋunə Nẅùə̀ apə̀.”

Tyiʼə̀ nkwùə̀ ghu, tǎ pɨ moonə̀ wa a kyiinə̀ nshwəŋə̀ lo, “M̀byiimə̀, yèmpə̀ mə̀ lo m̂bə nɨ àpyiimə̀ ntɨŋmə̀.”

Yěsû à lə̀ myàanə̀ nkwuunə̀ a ndâ, ɨ̀zùŋə̀ ndzùmə̀ ɨ̀pe pyiitə̀ e a ndzùmə̀ ndzùmə̀ lo, “La à tə ngɨ̀rə̀ àkə lo kò pəə fuukə̀ a wəə àzhwùə̀ tɨ̀pòŋə̀ zə̀?” Yěsû a kẅùə̀ ambo pobə lo, “Mbə̀ʼə ka pɨ̀ fuukə̀ e mbuurə̀ àzhwùə̀ tɨ̀pòŋə̀ zə̀ nɨ àzwuumə̀ yè nyaanə ndàŋə̀ e àchàʼtə̀ Nẅùə̀.”

“Ngwaŋə̀ pòŋə̀, la mɨ tə mbəla mbî nɨ̀lɨ̀ŋmə̀ e, wə̀ tyiʼə̀ ghɨ̀rə̀ la ɨla lo mɨ pòŋə̀ lɨ̀ŋmə̀? A pòŋə̀ lo nɨ̀ ghɨ̀rə̀ ngwaŋə̀ pə amwuə pɨghə mbə̀ʼə nɨ̀ tyiʼə̀ nchyə̂ nɨ àporə̀porə̀ a tɨ̀tɨ̀rə̀ pɨghə.”

“Ŋwùə̀ wa ntsùmə̀ nɨ à kẅiirə̀nə a taʼà mɨlyiʼə mɨnkɨ̂ wə̀ yɨ̀tse aŋunə nɨ̀linə̀ ɨ̀tsâ, à kẅiirə̀ la a gha, la ŋònə̀ wa ntsùmə̀ nɨ à kẅiirə̀nə mə̀, à kẅiirə̀ la a ŋònə̀ nɨ à tsàanə mə̀, ka à kẅiirə̀ e la a gha.”

Ǹshwəŋə̀ tyìʼə̀ nkǔŋə nkuŋə ambo pɨghə lo ŋònə̀ nɨ à ŋânə ndoŋə̀ nchyə ambo pɨghə lo nɨ̀ nô ntiinə nɨ̀ pyiimə̀nə nɨ̀linə̀ nɨ Kristù, mbə̀ʼə a gha mbî e mɨ̀ntsoʼnə̀ mɨ àfàʼà ɨ̀me apə̀.

“Ŋònə̀ ɨ̀tse à tə mbəla ngɨ̀rə̀ lo mɨlyiʼə mɨnkɨ̂ wə̀ yɨ̀tse nɨ à nùŋə̀nə ntɨŋmə̀ e aŋunə mɨ̀ŋə̀ lə lo â ghɨ̀rə̀ a tɨ̀pòŋə̀, yi a pòŋə̀ lo pɨ korə̀ a maa mbɨ̀grə̀ nɨ̀ghòorə a loŋə ze mmàʼà e amwuə nchyə ghu nɨŋnə̀nə.

Lenəla, nɨ̀lyə̂ ɨ̀tsô tə kɨ mbəla ngɨ̀rə̀ lo wə̀ fàntə̀ ngɨ̀rə̀ ànwùə̀ tɨ̀pòŋə̀, a pòŋə̀ lo wə̀ tsoʼò a tsèrə ngwaʼà. Ntiinə a pòŋə̀nə ambo ghò a nɨ kwuunə̀ amwuə ànwùə̀ Nɨ̀fò Nẅùə̀ nɨ taʼà nɨ̀lyə̂ ntsàarə̀ a nɨ pə nɨ ɨ̀myə̂ mɨmbaa la pɨ màʼà o amwuə àkɨɨnə̀ ɨ̀mǔ.